Left arrow Go Back

STQARRIJA MILL-UFFIĊĊJU TAL-PRESIDENT Il-President jiltaqa’ mal-Ministru għall-Affarijiet Barranin tal-Greċja

pr221356
Date Icon 10/10/2022

Illum waranofsinhar il-President Vella laqa’ lil Nikos Dendias, Ministru għall-Affarijiet Barranin tar-Repubblika Ellenika, fi żjara ta’ korteżija fil-Palazz ta’ Sant’Anton.

Il-Ministru Dendias irringrazzja lill-President għal-laqgħa u fakkar li din kienet it-tieni okkażjoni li ltaqgħu f’dawn l-aħħar sentejn wara ż-żjara preċedenti tiegħu f’Malta fi Frar tal-2020. Sar riferiment ukoll għaż-żjara f’Malta mill-President Griega Katerina Sakellaropoulou l-ġimgħa l-oħra biex tipparteċipa fil-Laqgħa tal-Kapijiet ta’ Stat Mhux Eżekuttivi tal-UE.

Matul it-taħditiet, il-President Vella u l-Ministru Dendias iddiskutew l-aktar kwistjonijiet urġenti fuq l-aġenda internazzjonali, bl-ewwel waħda fosthom tkun l-Ukrajna. It-tnejn qasmu l-fehmiet tagħhom dwar l-effetti li qed ikollha l-gwerra fuq il-livelli reġjonali u internazzjonali, speċjalment permezz taż-żieda fil-prezzijiet tal-prodotti bażiċi u tal-enerġija.

L-instabbiltà fil-Mediterran kienet suġġett ewlieni tat-taħditiet, b’mod speċjali l-aħħar żviluppi fil-Libja u kif l-instabbiltà prevalenti tkompli tinfluwenza l-flussi migratorji fir-rotta tal-Mediterran Ċentrali. Ġew diskussi wkoll it-tensjonijiet reċenti fil-Lvant tal-Mediterran.

Il-Ministru għall-Affarijiet Barranin Dendias osserva li Malta ser twassal leħen Mediterranju qawwi fil-Kunsill tas-Sigurtà tan-Nazzjonijiet Magħquda meta tieħu s-Siġġu Mhux Permanenti tagħha f’Jannar tal-2023.

STQARRIJA MILL-UFFIĊĊJU TAL-PRESIDENT Il-President jiltaqa’ mal-Ministru għall-Affarijiet Barranin tal-Greċja
STQARRIJA MILL-UFFIĊĊJU TAL-PRESIDENT Il-President jiltaqa’ mal-Ministru għall-Affarijiet Barranin tal-Greċja
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow