Left arrow Go Back

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg b’laqgħat uffiċjali fl-Arabja Sawdija

pr221347
Date Icon 09/10/2022

Fuq stedina uffiċjali tal-Ministru tal-Affarijiet Barranin tal-Arabja Sawdija, il-Prinċep Faisal bin Farhan Al Saud, waqt żjara f'pajjiżna f'Awwissu li għadda, il-Ministru għall-Affarijiet Barranin u l-Kummerċ Ian Borg għamel żjara uffiċjali fil-pajjiż.

Matul iż-żjara, il-Ministru Borg kellu numru ta' laqgħat uffiċjali, fosthom mal-Ministru tal-Affarijiet Barranin tal-Arabja Sawdija, il-Prinċep Faisal bin Farhan Al Saud. Matul il-laqgħa, iż-żewġ ministri komplew isaħħu t-temi ta' kollaborazzjoni li qablu fuqhom fil-laqgħat f'Malta.

It-tisħiħ tal-kollaborazzjoni kummerċjali bejn iż-żewġ pajjiżi kienet fuq nett tal-aġenda. Fil-fatt, il-Ministru Ian Borg kien ukoll akkumpanjat minn delegazzjoni Maltija tal-kummerċ immexxija minn Trade Malta.

Id-delegazzjoni Maltija kellha numru ta' laqgħat, fosthom mal-Kamra tal-Kummerċ tal-Arabja Sawdija u ma' bosta negozji Maltin u dawk tal-Arabja Sawdija sabiex jistabbilixxu relazzjoni li toffri aktar opportunitajiet kummerċjali.

“Inħares 'il quddiem biex fiż-żmien qarib inkunu nistgħu nisimgħu u nħabbru affarjiet pożittivi b'kollaborazzjoni msaħħa ma' dan il-pajjiż", sostna l-Ministru Ian Borg. Huwa tenna l-impenn tal-Gvern Malti li jibqa' jassisti lin-negozji Maltin fejn ikun hemm bżonn biex ikun hemm aktar opportunitajiet.

Waqt din iż-żjara, il-Ministru Borg kellu wkoll laqgħa mal-Adel Al-Jubeir, il-Ministru tal-Istat għall-Affarijiet Barranin, filwaqt li żar siti magħrufa bħal Al-Ula u Diriyah.

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg b’laqgħat uffiċjali fl-Arabja Sawdija
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg b’laqgħat uffiċjali fl-Arabja Sawdija
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg b’laqgħat uffiċjali fl-Arabja Sawdija
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg b’laqgħat uffiċjali fl-Arabja Sawdija
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow