Left arrow Go Back

STQARRIJA MILL-UFFIĊĊJU TAL-PRESIDENT: Laqgħa bilaterali bejn il-President ta’ Malta u l-President tal-Greċja

pr221331
Date Icon 07/10/2022

L-impenji tal-President George Vella b’rabta mal-laqgħa tal-Arraiolos Malta komplew dalgħodu hekk kif laqa’ lill-President Katerina Sakellaropoulou tal-Greċja.

Iż-żewġ presidenti għaddew il-punti ewlenin tal-kwistjonijiet diskussi matul il-laqgħat tal-plenarja tal-Arraiolos, u ffukaw b’mod partikolari fuq il-migrazzjoni fil-Mediterran. It-tnejn saħqu dwar il-bżonn li jinstab bilanċ bejn is-solidarjetà u r-responsabbiltà. Il-President Griega rreferiet għat-traġedja li seħħet fil-ġurnata ta’ qabel fejn għerqu xi migranti ’l barra mill-gżejjer ta’ Lesbos u Kythira.

Sar riferiment ukoll għall-aħħar żviluppi fir-rigward tal-fruntieri fil-Lvant tal-Mediterran fejn il-President Vella qal li l-liġi internazzjonali hija l-uniku mezz vijabbli li jsolvi tali tilwim. L-instabbiltà prevalenti fil-Libja ġiet diskussa wkoll fil-kuntest tat-tnaqqis tal-migrazzjoni irregolari li toriġina mill-Afrika sub-Saħarjana, bi tranżitu fis-Saħel, fejn il-punti finali tat-tluq bil-baħar ikunu l-kosta Libjana.

Matul il-ġurnata tal-lum ser ikun hemm laqgħat bilaterali oħra mal-kapijiet ta’ stat li qegħdin iżuru pajjiżna, u matulhom il-President Vella ser ikun akkumpanjat mill-Aġent Ministru għall-Affarijiet Barranin Owen Bonnici.

STQARRIJA MILL-UFFIĊĊJU TAL-PRESIDENT: Laqgħa bilaterali bejn il-President ta’ Malta u l-President tal-Greċja
STQARRIJA MILL-UFFIĊĊJU TAL-PRESIDENT: Laqgħa bilaterali bejn il-President ta’ Malta u l-President tal-Greċja
STQARRIJA MILL-UFFIĊĊJU TAL-PRESIDENT: Laqgħa bilaterali bejn il-President ta’ Malta u l-President tal-Greċja
STQARRIJA MILL-UFFIĊĊJU TAL-PRESIDENT: Laqgħa bilaterali bejn il-President ta’ Malta u l-President tal-Greċja
STQARRIJA MILL-UFFIĊĊJU TAL-PRESIDENT: Laqgħa bilaterali bejn il-President ta’ Malta u l-President tal-Greċja
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow