Left arrow Go Back

STQARRIJA MILL-MINISTERU GĦALL-INTERN, IS-SIGURTÀ, IR-RIFORMI U L-UGWALJANZA: Malta ssir membru tal-European Centre of Excellence for Countering Hybrid Threats

pr221258
Date Icon 29/09/2022

Pajjiżna sar membru f’organizzazzjoni internazzjonali indipendenti li taħdem biex tippromwovi modi differenti kif pajjiżi jilqgħu għat-theddid li jista’ jkun hemm minn xi pajjiż ieħor jew minn terzi kontra xi pajjiż demokratiku u l-istituzzjonijiet tiegħu.

Il-European Centre of Excellence for Countering Hybrid Threats ibbażat f’Helsinki, il-Finlandja, għandu l-għan li flimkien man-network tal-pajjiżi parteċipanti, jibni modi sabiex jippreveni u jiġġieled theddid li jiġi minn lil hinn, billi jsir skambju ta’ ideat u taħriġ speċjalizzat. 

Mit-twaqqif ta’ dan iċ-ċentru f’April 2017 sal-lum, 32 pajjiż qed jipparteċipa bħala membru f’dan iċ-ċentru. Preżenti fil-mument li Malta saret uffiċjalment parteċipant f’dan iċ-ċentru kien hemm il-Ministru għall-Intern, is- Sigurtà, ir-Riformi, l-Ugwaljanza Byron Camilleri. 

F’kumment, il-Ministru Camilleri tenna li Malta tirrikonoxxi l-isfidi għas-sigurtà fuq livell globali u saħaq li dawn l-isfidi jistgħu jingħelbu jekk ikun hemm sforz wieħed minn diversi pajjiżi magħquda.

“Malta hija kburija li se tingħaqad ma’ 31 pajjiż ieħor f’dan iċ-ċentru u nħarsu ’l quddiem li l-esperti li għandna f’pajjiżna jikkollaboraw ma’ msieħba oħra sabiex jindirizzaw dawn ir-realtajiet. Malta, bħala stat fil-Mediterran, hija miftuħa li twassal l-esperjenza u l-għarfien tagħha, partikolarment fir-reġjun tal-Mediterran u n-naħa ta’ isfel tal-Ewropa, u hija lesta li sservi bħala pajjiż newtrali miftuħ għad-diplomazija”, ikkonkluda l-Ministru Byron Camilleri.

STQARRIJA MILL-MINISTERU GĦALL-INTERN, IS-SIGURTÀ, IR-RIFORMI U L-UGWALJANZA: Malta ssir membru tal-European Centre of Excellence for Countering Hybrid Threats
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow