Left arrow Go Back

STQARRIJA MILL-UFFIĊĊJU TAL-PRESIDENT Il-President jattendi għall-ftuħ tal-Logħob tal-Commonwealth f’Birmingham u jżur pazjenti Maltin rikoverati fir-Renju Unit

pr221002
Date Icon 27/07/2022

Il-President George Vella, akkumpanjat mis-Sinjura Miriam Vella, ħalla Malta kmieni dalgħodu għaċ-Ċerimonja tal-Ftuħ tal-Logħob tal-Commonwealth li se ssir f’Birmingham fir-Renju Unit. Fost l-impenji tagħhom, il-President u s-Sinjura Vella għandhom laqgħa mad-29 atleta li se jikkompetu f’isem Malta u mistennija wkoll isegwu wħud mis-sessjonijiet ta’ taħriġ tal-atleti Maltin.

Matul iż-żjara ta’ erbat ijiem fir-Renju Unit, il-President u s-Sinjura Vella se jkunu qed iżuru sptar f’Oxford fejn jiġu rikoverati għall-kura pazjenti Maltin. 

L-impenji tagħhom jissoktaw f’Londra fejn se jkunu qed iżuru lill-pazjenti u l-qraba tagħhom fl-appartamenti tal-Fondazzjoni Puttinu Cares u għand is-Sorijiet Franġiskani. F’Londra, il-President Vella se jiltaqa’ wkoll ma’ konsulenti Maltin li jipprattikaw il-professjoni tagħhom fi sptarijiet hemmhekk. 

Sakemm il-President Vella jkun ir-Renju Unit, il-Professur Frank Bezzina se jservi fil-kariga ta’ Aġent President ta’ Malta.

Il-President u s-Sinjura Vella jiġu lura Malta fil-lejl bejn il-Ħadd, 31 ta’ Lulju, u t-Tnejn, l-1 ta’ Awwissu. 

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow