Left arrow Go Back

STQARRIJA MILL-UFFIĊĊJU TAS-SEGRETARJU PERMANENTI EWLIENI Tliet Segretarji Permanenti ġodda

pr220461
Date Icon 12/04/2022

Tliet uffiċjali pubbliċi ngħataw il-ħatra bħala Segretarji Permanenti ġodda fis-Servizz Pubbliku wara l-ħatra ta’ Kabinett ġdid. Is-Sur Joseph Chetcuti, is-Sur Emanuel Psaila u s-Sur Carlos Tabone ngħataw il-ħatra mill-President ta’ Malta George Vella bħala Segretarji Permanenti fi tliet Ministeri differenti. Kien hemm assenjazzjonijiet ġodda wkoll lil uħud mis-Segretarji Permanenti attwali.

Is-Sur Joseph Chetcuti kien Direttur Ġenerali fid-Dipartiment tad-Dwana u issa nħatar Segretarju Permanenti fil-Ministeru għas-Saħħa; is-Sur Emanuel Psaila kien Direttur Ġenerali fid-Dipartiment tal-Protezzjoni Ċivili u se jkun Segretarju Permanenti fil-Ministeru għall-Intern, is-Sigurtà, ir-Riformi u l-Ugwaljanza; filwaqt li s-Sur Carlos Tabone nħatar bhala Segretarju Permanenti fil-Ministeru għax-Xogħlijiet Pubbliċi u l-Ippjanar wara li serva bħala Direttur Maniġerjali fl-Uffiċċju tal-Prim Ministru.

Dawn il-ħatriet saru wara li dawn l-uffiċjali pubbliċi ġew innominati mis-Segretarju Permanenti Ewlieni, is-Sur Mario Cutajar, lill-Kummissjoni dwar is-Servizz Pubbliku li, wara li evalwat il-karriera ta’ kull wieħed mill-uffiċjali, irrakkomandat il-ħatra tagħhom lill-President ta’ Malta.

Minn meta nħatar il-Kabinett il-ġdid sa issa kien perjodu li matulu s-Segretarji Permanenti u uffiċjali pubbliċi oħra jintroduċu lill-Ministri u lis-Segretarji Parlamentari għall-portafoll li kull wieħed u waħda minnhom ġew assenjati mill-Prim Ministru Dr Robert Abela. Huma jiġu mgħarrfa b’dak kollu li jgħinhom imexxu l-Ministeri tagħhom u anki d-deċiżjonijiet li huma meħtieġa jittieħdu fiż-żmien li ġej.

Issa jmiss li matul din il-ġimgħa u l-ġimgħa d-dieħla kollha, wara li fi tmiem il-ġimgħa li għaddiet tqassmu mill-ġdid is-Segretarji Permanenti fid-dekasteri l-ġodda, jibda perjodu ta’ tranżizzjoni f’livell amministrattiv skont fejn hu meħtieg biċ-ċaqliq li sar.

Is-Servizz Pubbliku jrid jiżżi ħajr lis-Sur Joseph Rapa li ,sa mill-2013, serva bħala Segretarju Permanenti fil-Ministeru għas-Saħħa, għas-servizz kbir li ta f’dil-ħatra f’dawn l-aħħar disa’ snin, u li issa huwa stess xtaq li ma jerġax ikun ikkunsidrat għal Segretarju Permanenti. 

Is-Segretarji Permanenti fis-Servizz Pubbliku issa ġew assenjati kif ġej:

Is-Sur Mario Cutajar                           Uffiċċju tal-Prim Ministru

                                                               Kap tas-Servizz Pubbliku

Is-Sur Kevin MahoneyUffiċċju tal-Prim Ministru (Kordinazzjoni u Implimentazzjoni)
Dr Joyce CassarUffiċċju tal-Prim Ministru (People and Standards)
Is-Sur Joseph ChetcutiMinisteru għas-Saħħa
Is-Sa Joyce DimechMinisteru għall-Wirt Nazzjonali, l-Arti u l-Gvern Lokali
Is-Sur Christopher CutajarMinisteru għall-Affarijiet Barranin u Ewropej u l-Kummerċ
Is-Sur Mark MusùMinisteru għall-Politika Soċjali u d-Drittijiet tat-Tfal

                                                                Ministeru għall-Akkomodazzjoni Soċjali u Affordabbli

Is-Sur Sharlo CamilleriMinisteru għall-Agrikoltura, is-Sajd u d-Drittijiet tal-Annimali
Is-Sur Ronald MizziMinisteru għall-Ekonomija, il-Fondi Ewropej u l-Artijiet
Is-Sur Paul ZahraMinisteru għall-Ekonomija, il-Fondi Ewropej u l-Artijiet (Fondi Ewropej)
Is-Sa Nancy CaruanaMinisteru għall-Inklużjoni, il-Volontarjat u d-Drittijiet tal-Konsumatur
Is-Sur Johan GaleaMinisteru għat-Trasport, l-Infrastruttura u l-Proġetti Kapitali

                                                               Ministeru għall-Ġustizzja

Is-Sur John BorgMinisteru għal Għawdex
Is-Sur Emanuel PsailaMinisteru għall-Intern, is-Sigurtà, ir-Riformi u l-Ugwaljanza
Is-Sur Anthony GattMinisteru għat-Turiżmu
Is-Sur Joseph F. CaruanaMinisteru għall-Ambjent, l-Enerġija u l-Intrapriża
Is-Sur Alfred CamilleriMinisteru għall-Finanzi u x-Xogħol
Is-Sur Matthew VellaMinisteru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni
Is-Sur Carlos TaboneMinisteru għax-Xogħlijiet Pubbliċi u l-Ippjanar
Is-Sa Christine SchembriMinisteru għall-Anzjanità Attiva

Ritratt 1: Mr Joseph Chetcuti

Ritratt 2: Mr Emanuel Psaila

Ritratt 3: Mr Carlos Tabone

STQARRIJA MILL-UFFIĊĊJU TAS-SEGRETARJU PERMANENTI EWLIENI Tliet Segretarji Permanenti ġodda
STQARRIJA MILL-UFFIĊĊJU TAS-SEGRETARJU PERMANENTI EWLIENI Tliet Segretarji Permanenti ġodda
STQARRIJA MILL-UFFIĊĊJU TAS-SEGRETARJU PERMANENTI EWLIENI Tliet Segretarji Permanenti ġodda
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA   Aktar mediċini mill-Formularju tal-Gvern se jkunu jistgħu jiġu mibdija jew imġedda mit-tobba privati tal-familja

PR261948

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

More Press Releases Right arrow