Left arrow Go Back

STQARRIJA MILL-MINISTERU GĦAL GĦAWDEX U MIS-SEGRETARJAT PARLAMENTARI GĦALL-FONDI EWROPEJ

pr220245
Date Icon 21/02/2022

Inawgurat ġibjun iffinanzjat minn fondi Ewropej b’valur ta’ madwar €104,000 sabiex il-bdiewa Għawdxin igawdu mill-ilma li jinġabar fih għall-irrigazzjoni tal-prodotti agrikoli tagħhom

Il-Ministru għal Għawdex Clint Camilleri u s-Segretarju Parlamentari għall-Fondi Ewropej Stefan Zrinzo Azzopardi inawguraw ġibjun f’Qasam San Ġorġ, Kerċem, li nbena sabiex jilqa’ fih l-ilma tax-xita li jinżel mat-triq (surface water run-off). Dan sar permezz tal-proġett InCircle iffinanzjat minn fondi Ewropej taħt il-programm InterregMed 2014-2020, immexxi mid-direttorat EkoGħawdex taħt il-Ministeru għal Għawdex, u f’kollaborazzjoni mal-Kunsill Lokali ta’ Kerċem. 

Il-Ministru għal Għawdex Clint Camilleri stqarr li, “Dan il-proġett b’valur ta’ madwar €104,000, iffinanzjat b’85% fondi Ewropej u 15% fondi lokali, jesa’ 400 metru kubu ta’ ilma.” Spjega wkoll li dan huwa proġett ieħor xhieda ta’ kemm dan il-gvern jieħu ħsieb kull settur f’pajjiżna u din id-darba kien imiss is-settur tal-agrikoltura. Il-Ministru Camilleri kompla jgħid li, “l-bdiewa f’dawn l-akwati ser ikunu jistgħu jgawdu minn dan l-ilma li jinġabar fil-ġibjun matul ix-xhur sħan tas-sajf fl-irrigazzjoni tal-prodotti agrikoli tagħhom.”

Il-Ministru għal Għawdex Clint Camilleri temm billi rringrazzja lis-Segretarju Parlamentari Stefan Zrinzo Azzopardi tal-prijorità li jagħti lill-gżira Għawdxija u qal li jħares ‘il quddiem għal aktar kollaborazzjoni u ħidma fuq proġetti oħra ta’ importanza għal Għawdex.

Is-Segretarju Parlamentari Stefan Zrinzo Azzopardi qal li, permezz ta’ dan il-proġett, li twettaq permezz ta’ madwar €104,000 f’fondi Ewropej, qed isir investiment ieħor sabiex inkomplu nsaħħu l-qasam tal-agrikoltura, permezz ta’ riżorsa oħra għall-bdiewa tal-akwati.

Is-segretarju parlamentari qal ukoll li proġett bħal dan huwa eżempju konkret tal-viżjoni tal-Unjoni Ewropea fl-implimentazzjoni tal-prijoritajiet tagħha tal-Patt Ekoloġiku Ewropew. Huwa kkonkluda billi qal li permezz ta’ proġetti bħal dan inkomplu nżidu l-għarfien dwar kif nieħdu ħsieb aktar l-ambjent ta’ madwarna biex inkunu aktar sostenibbli u nimminimizzaw l-impatt li s-settur agrikolu qed ikollu fuq l-ambjent naturali.

Il-ġibjun għandu wkoll silt-trap li żżomm debris u trab ieħor milli jinżel fih. 

STQARRIJA MILL-MINISTERU GĦAL GĦAWDEX U MIS-SEGRETARJAT PARLAMENTARI GĦALL-FONDI EWROPEJ
STQARRIJA MILL-MINISTERU GĦAL GĦAWDEX U MIS-SEGRETARJAT PARLAMENTARI GĦALL-FONDI EWROPEJ
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow