Left arrow Go Back

STQARRIJA MILL-MINISTERU GĦAS-SOLIDARJETÀ U L-ĠUSTIZZJA SOĊJALI, IL-FAMILJA U D-DRITTIJIET TAT-TFAL U MILL-MINISTERU GĦALL-ĠUSTIZZJA U L-GOVERNANZA: Tisħiħ fil-liġi tas-cyber bullying u tas-cyber stalking

pr220234
Date Icon 18/02/2022

Il-Ministru għall-Ġustizzja u l-Governanza Edward Zammit Lewis u l-Ministru għas-Solidarjetà u l-Ġustizzja Soċjali, il-Familja u d-Drittijiet tat-Tfal Michael Falzon ħabbru li attwalment fil-parlament qed jiġi diskuss abbozz ta’ liġi bil-għan li jinħoloq qafas legali biex jiġi miġġieled kull tip ta’ bullying u stalking onlajn. 

Il-Ministru Edward Zammit Lewis spjega li l-gvern irrisponda għall-bżonn li nħoloq minħabba l-avvanz li sar fid-dinja diġitali. L-abbozz bħalissa jinsab fi stadju ta’ kumitat parlamentari bil-għan li jipproteġi lill-vittmi kollha li qed jesperjenzaw abbuż li jseħħ fuq pjattaformi diġitali. Dan jinkludi tfal, adoloxxenti u persuni oħra vulnerabbli. L-Abbozz 260 ser joħloq bilanċ bejn il-libertà tal-espressjoni u l-fenomenu tal-hate speech, u fl-istess waqt ser jagħraf is-cyber stalking u s-cyber bullying bħala reati speċifiċi punibbli bil-liġi. 

“L-abbozz propost ser jaħdem qatigħ biex jipproteġi s-soċjetà tagħna minn kwalunkwe abbuż li jsir minn persuni online. Tajjeb li wieħed isemmi li dan it-tip ta’ abbuż jieħu forom differenti, f’ċerti ċirkostanzi wieħed jaħbi l-identità tiegħu u permezz ta’ fake profiles jattakka lill-vittma”. Il-ministru spjega li s-cyber bullying u s-cyber stalking huma realtà komuni li dan il-gvern ser ikompli jiġġieled.

Il-Ministru Michael Falzon qal li dan il-gvern irid ikompli jsaħħaħ il-ħidma u l-infrastruttura biex ikun miġġieled il-bullying fuq pjattaformi onlajn. Il-bullying jaf jieħu diversi forom għax l-ebda forma ta’ bullying mhu tollerabbli. 

“L-għan ta’ din il-liġi huwa li nassiguraw li l-internet u s-cyberspace ikunu post sigur għal dawk kollha li jagħmlu użu minnhom u għalhekk se jkun emendat il-Kodiċi Kriminali ta’ Malta biex jirrifletti r-realtajiet tal-lum. Din se twassal biex jiżdiedu żewġ artikoli ġodda fil-liġi li permezz tagħhom se jkun hemm definizzjoni ċara ta’ segwiment ċibernetiku u bullying fuq l-internet”, qal il-Ministru Michael Falzon.

Il-Ministru Falzon qal li din il-liġi se tikkumplimenta inizjattivi oħra li diġà qegħdin fis-seħħ biex tkompli tiġi miġġielda kull forma ta’ bullying onlajn. Fil-fatt, Aġenzija Appoġġ fi ħdan l-FSWS tħaddem numru ta’ proġetti bħal BeSmartOnline, fejn dan is-servizz anke nieda l-kampanja ‘The Digital Detox Campaign’. Din il-kampanja fuq Facebook, #Digital Detox, tolqot tfal bejn l-10 snin u s-sittax-il sena. B’kollox intlaħqu mad-39,472 tifel u tifla permezz ta’ din il-kampanja. L-istess aġenzija rċeviet 900 talba ta’ għajnuna marbuta ma’ cyberbullying.

STQARRIJA MILL-MINISTERU GĦAS-SOLIDARJETÀ U L-ĠUSTIZZJA SOĊJALI, IL-FAMILJA U D-DRITTIJIET TAT-TFAL U MILL-MINISTERU GĦALL-ĠUSTIZZJA U L-GOVERNANZA: Tisħiħ fil-liġi tas-cyber bullying u tas-cyber stalking
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow