Left arrow Go Back

STQARRIJA MILL-MINISTERU GĦALL-ANZJANI U L-ANZJANITÀ ATTIVA Ftehim mal-WHO dwar taħriġ għal persuni li jieħdu ħsieb anzjani bid-dimensja

pr220223
Date Icon 17/02/2022

Il-Ministru għall-Anzjani u l-Anzjanità Attiva Michael Farrugia ħabbar li ġie ffirmat ftehim mal-Organizzazzjoni Dinjija tas-Saħħa (WHO) li permezz tiegħu se jiġi żviluppat programm ta’ taħriġ imfassal biex jipprovdi edukazzjoni, taħriġ fil-ħiliet, u appoġġ soċjali lil persuni li jieħdu ħsieb anzjani bid-dimensja, fosthom lill-qraba tagħhom. Dan il-programm ta’ taħriġ se jkun qed jingħata mingħajr ħlas.

Malta hija fost l-ewwel pajjiżi li ħasset il-ħtieġa li tibda timplimenta dan il-programm ta’ taħriġ.

Il-Ministru għall-Anzjani u l-Anzjanità Attiva Michael Farrugia ħabbar dan waqt konferenza tal-aħbarijiet li matulha spjega kif studji lokali jistmaw li bħalissa f’Malta madwar 7,000 familja għandhom membri tagħha bid-dimensja, u dan in-numru huwa mistenni li jiżdied fis-snin li ġejjin. 

Huwa qal li matul is-sena li għaddiet, tim ta’ esperti mid-Dipartiment tal-Anzjanità Attiva u Kura fil-Komunità ħadmu mill-qrib ma’ esperti tal-WHO biex jadattaw programm online ta’ edukazzjoni għall-kuntest u s-sitwazzjoni Maltija. Fil-ġranet li għaddew, għaldaqstant, ġie ffirmat ftehim mal-WHO biex jiġi żviluppat iSupport għall-carers f’Malta.

Il-Ministru Michael Farrugia spjega li l-benefiċċju ta’ dan il-programm huwa li huwa dejjem disponibbli, konvenjenti, jippreserva l-privatezza u hu mfassal aktar għall-kapaċitajiet tal-persuna. 

Għaldaqstant, l-Organizzazzjoni Dinjija tas-Saħħa (WHO) laqqgħet bord ta’ esperti internazzjonali biex jiżviluppaw ‘iSupport’, programm edukattiv online li bħalissa huwa disponibbli fuq is-sit – www.activeageing.gov.mt. 

Il-Ministru Michael Farrugia qal li l-programm iSupport għandu l-għan li jipprevjeni u/jew inaqqas l-isfidi ta’ saħħa mentali u fiżiċi assoċjati mal-kura, u jtejjeb il-kwalità tal-ħajja ta’ dawk li jieħdu ħsieb lill-persuni bid-dimensja. Il-kors għandu ħames taqsimiet; introduzzjoni fuq id-dimensja, xi jfisser li tkun carer, kif tieħu ħsieb tiegħek innifsek, il-kura ta’ kuljum, u bidliet fl-imġieba.

Il-lezzjonijiet jikkonsistu f’qari qasir, eżempji deskrittivi u diversi eżerċizzji. Il-parteċipanti jingħataw ċertifikat fi tmiem il-kors. Il-kontenut oriġinali tal-verżjoni bl-Ingliż tal-iSupport ġie adattat għall-kuntest u l-ħtiġijiet tal-Maltin. Verżjoni bil-Malti se tkun offruta ukoll online fix-xhur li ġejjin.

STQARRIJA MILL-MINISTERU GĦALL-ANZJANI U L-ANZJANITÀ ATTIVA Ftehim mal-WHO dwar taħriġ għal persuni li jieħdu ħsieb anzjani bid-dimensja
STQARRIJA MILL-MINISTERU GĦALL-ANZJANI U L-ANZJANITÀ ATTIVA Ftehim mal-WHO dwar taħriġ għal persuni li jieħdu ħsieb anzjani bid-dimensja
STQARRIJA MILL-MINISTERU GĦALL-ANZJANI U L-ANZJANITÀ ATTIVA Ftehim mal-WHO dwar taħriġ għal persuni li jieħdu ħsieb anzjani bid-dimensja
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow