Left arrow Go Back

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI Il-proġett tal-Underpass tal-Imrieħel jidħol fi stadju ġdid

pr220212
Date Icon 16/02/2022

Hekk kif ix-xogħlijiet ta’ tħaffir waslu biex jitlestew, l-aġenzija Infrastructure Malta se tidħol fi stadju ġdid tal-proġett tal-Underpass tal-Imrieħel fejn il-ħaddiema issa se jibdew jibnu l-ħitan tal-mina, ħabbar il-Ministru Ian Borg waqt konferenza tal-aħbarijiet li saret waqt li ġew segwiti x-xogħlijiet li għaddejjin bħalissa fuq il-proġett.

Imniedi fl-2021, il-proġett tal-Underpass tal-Imrieħel se joffri mina ġdida ta’ 60 metru li tgħaqqad Triq l-Imdina mal-Bypass tal-Imrieħel, fil-junction tal-Imrieħel biswit l-uffiċini tal-Awtorità tas-Servizzi Finanzjarji.

Il-Ministru Ian Borg qal, “Dan se jkun proġett infrastrutturali ieħor li apparti li se jkun qed jikkumplimenta s-Central Link, se jkun qed ikompli jtaffi l-problema ta’ traffiku u tal-konġestjoni f’dawn in-naħat. Però, mhux biss. Aħna gvern li dejjem enfasizzajna u nkomplu nenfasizzaw dwar l-importanza tas-sigurtà tan-nies u għalhekk f’kull proġett li nagħmlu, mill-iżgħar sal-ikbar, il-prijorità tibqa’ li naċċertaw ruħna li n-nies huma siguri. Għaldaqstant se naraw li jiġu introdotti passaġġi aktar siguri kemm għall-utenti kif ukoll għaċ-ċiklisti li permezz tagħhom inkunu qed noffru iżjed mobbiltà u nkunu qed noffru konnessjonijiet aħjar u aktar siguri li jgħaqqdu lil Birkirkara, lill-Imrieħel u lil Ħal Balzan ma’ Triq il-Ħofor, triq rurali li twassal għal Ħaż-Żebbuġ u Ħal Qormi.”

L-aġenzija Infrastructure Malta qed tibda ttella’ aktar minn 290 pannell tal-konkos precast biex jiffurmaw il-ħitan tal-mina tagħha. Dawn il-pannelli se jkunu s-sapport għas-saqaf tal-mina, li mbagħad tinkesa bir-roundabout il-ġdida u l-passaġġi li jwasslu għaliha, bil-passaġġi għall-utenti u għaċ-ċiklisti u anke żoni oħra ta’ pajsaġġ.

L-underpass il-ġdid mistenni jinfetaħ fit-tieni nofs tal-2022.

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI Il-proġett tal-Underpass tal-Imrieħel jidħol fi stadju ġdid
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI Il-proġett tal-Underpass tal-Imrieħel jidħol fi stadju ġdid
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow