Left arrow Go Back

STQARRIJA MILL-MINISTERU GĦALL-EDUKAZZJONI U L-ISPORT Aktar investiment f’uliedna: €4 miljuni għall-immodernizzar tal-iskola primarja tar-Rabat, Malta

pr220200
Date Icon 14/02/2022

L-iskola primarja tar-Rabat f’Malta qed tiġi riġenerata u msebbħa b’investiment ta’ €4 miljun, li permezz tiegħu l-iskola se tingħata dehra kompletament moderna filwaqt li jitneħħa għal kollox l-inkonvenjent li topera minn żewġ binjiet differenti.

“Qed nirriġeneraw is-settur edukattiv. L-investiment fil-qasam edukattiv huwa bla preċedent. Dan huwa proġett state-of-the-art li se jilqa’ madwar 400 student u studenta fis-sena skolastika li tibda minn Settembru 2023. B’hekk, l-istudenti ta’ din l-iskola se jkollhom l-aqwa ambjent fejn jistgħu jieħdu l-aqwa edukazzjoni possibbli. Aħna nemmnu li l-edukaturi u l-istudenti tagħna jixirqilhom l-aħjar ambjent minn fejn jgħaddu u jieħdu l-edukazzjoni tagħhom”, qal il-Ministru għall-Edukazzjoni u Sport Clifton Grima meta żar ix-xogħol li qed isir.

Qal ukoll li dan qed isir biex indaħħlu lil dan is-settur fl-era tal-lum filwaqt li naraw li l-ambjent edukattiv ikun adattat biex ikollna edukazzjoni tassew kwalitattiva.

L-iskola primarja tar-Rabat, li tifforma parti mill-Kulleġġ San Nikola, kienet qed topera minn żewġ binjiet differenti fl-istess lokalità. L-għanijiet ta’ dan il-proġett huma li l-iskola tibda topera minn binja waħda u jkunu offruti spazji edukattivi moderni, aċċessibbli u komdi għal uliedna u għall-edukaturi fi skola waħda.  

L-iskola l-ġdida, li takkomoda 400 tifel u tifla, se jkollha 33 klassi, fosthom klassijiet għal suġġetti speċifiċi bħall-arti, il-mużika u l-Personal, Social and Career Development (PSCD). Għaxar klassijiet se jkunu għal-livell ta’ kindergarten. L-iskola se jkollha wkoll gym fuq ġewwa, spazji rikreattivi fuq barra, multi-sensory room kif ukoll kċina industrijali u spazju fejn jieklu t-tfal li jattendu għall-Breakfast Club. 

Bħala parti mill-proġett se jkunu installati servizzi ġodda, fosthom servizz ġdid ta’ dawl, ilma u drenaġġ, kameras tas-sigurtà, konnettività tal-internet, alarm u servizzi ta’ fire safety. L-iskola se jkollha wkoll għamara ġdida li tħeġġeġ aktar l-inklużjoni fit-tagħlim. Fil-binja se jkunu introdotti miżuri effiċjenti fl-enerġija skont kif mitlub mil-liġi u kif qed isir fl-iskejjel kollha ġodda u dawk li qed jiġu msebbħa.

Biex ix-xogħol li qed isir mill-Fondazzjoni għall-Iskejjel ta’ Għada jsir b’ritmu mgħaġġel u ma jkunux ipperikolati t-tfal u l-edukaturi sakemm isir ix-xogħol, it-tagħlim se jingħata fl-iskola primarja l-oħra li diġà hemm fl-istess lokalità.

Il-Kap Eżekuttiv tal-Fondazzjoni għall-Iskejjel ta’ Għada, Neville Young, spjega x-xogħol li qed isir f’żewġ fażijiet, l-ewwel fażi dik tal-kostruzzjoni u ristrutturar, u kif titlesta din il-fażi, it-tieni fażi twassal għall-ftuħ tal-iskola f’Settembru 2023.

STQARRIJA MILL-MINISTERU GĦALL-EDUKAZZJONI U L-ISPORT Aktar investiment f’uliedna: €4 miljuni għall-immodernizzar tal-iskola primarja tar-Rabat, Malta
STQARRIJA MILL-MINISTERU GĦALL-EDUKAZZJONI U L-ISPORT Aktar investiment f’uliedna: €4 miljuni għall-immodernizzar tal-iskola primarja tar-Rabat, Malta
STQARRIJA MILL-MINISTERU GĦALL-EDUKAZZJONI U L-ISPORT Aktar investiment f’uliedna: €4 miljuni għall-immodernizzar tal-iskola primarja tar-Rabat, Malta
STQARRIJA MILL-MINISTERU GĦALL-EDUKAZZJONI U L-ISPORT Aktar investiment f’uliedna: €4 miljuni għall-immodernizzar tal-iskola primarja tar-Rabat, Malta
STQARRIJA MILL-MINISTERU GĦALL-EDUKAZZJONI U L-ISPORT Aktar investiment f’uliedna: €4 miljuni għall-immodernizzar tal-iskola primarja tar-Rabat, Malta
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow