Left arrow Go Back

STQARRIJA MILL-MINISTERU GĦAL GĦAWDEX Ix-xogħol fuq iċ-Ċentru Akkwatiku u Sportiv f’Għawdex jasal f’fażi importanti – jitpoġġew trusses u space frames tal-ħadid għas-saqaf fuq il-pixxina olimpika

pr220173
Date Icon 08/02/2022

Il-Ministru għal Għawdex Clint Camilleri żar iċ-Ċentru Akkwatiku u Sportiv ġdid li qed jinbena fil-belt Victoria u li se jwassal biex Għawdex għall-ewwel darba jkollu kumpless akkwatiku u sportiv fil-qalba tal-gżira.

Il-ministru qal li, “Ix-xogħlijiet fuq dan iċ-ċentru mifrux fuq medda ta’ madwar 5,000 metru kwadru, għaddejjin b’ritmu mgħaġġel. Fl-aħħar xhur sar ħafna xogħol fuq l-interjuri tal-proġett inklużi diviżorji interni, xogħlijiet mekkaniċi u elettriċi u l-lining u l-gutters tal-pixxina olimpika. Barra minn hekk, tqiegħdu elementi strutturali ewlenin bħall-ġenb tal-‘pont’ li jwasslek mid-daħla direttament għall-faċilitajiet sportivi ta’ barra. B’hekk, issa setgħu jitpoġġew trusses u space frames tal-ħadid għas-saqaf fuq il-pixxina”. 

Huwa sostna li minn dan il-proġett se jibbenefika l-poplu Għawdxi, filwaqt li se jtaffi mill-iskariġġ ta’ bosta atleti Għawdxin tal-waterpolo bħalissa, li ta’ kuljum ikollhom jaqsmu lejn Malta għat-taħriġ. 

Dan il-proġett massiċċ u tant mistenni se jikkonsisti fil-bini ta’ pixxina ta’ daqs olimpiku u numru ta’ faċilitajiet ġodda, fosthom għall-ġinnastika, basketball, badminton, squash, wall climbing, acrobatics, weightlifting, aerobics, yoga, martial arts u faċilitajiet oħra fejn jista’ jintlagħab sport ieħor fuq ġewwa. Barra minn hekk, iċ-ċentru sportiv se jkun mgħammar ukoll b’faċilitajiet tal-aqwa livell għal kull min jagħmel użu minnu, fosthom b’kmamar tal-ewwel għajnuna. 

Il-Ministru għal Għawdex Clint Camilleri temm billi fisser dan il-proġett bħala kruċjali għall-qasam sportiv f’Għawdex u qal li se jkun sors ewlieni għat-tkabbir ekonomiku fil-gżira. Dan għaliex huwa mistenni li joħloq niċeċ ġodda u jattira atleti u gruppi, barranin u professjonali, lejn Għawdex. 

STQARRIJA MILL-MINISTERU GĦAL GĦAWDEX Ix-xogħol fuq iċ-Ċentru Akkwatiku u Sportiv f’Għawdex jasal f’fażi importanti – jitpoġġew trusses u space frames tal-ħadid għas-saqaf fuq il-pixxina olimpika
STQARRIJA MILL-MINISTERU GĦAL GĦAWDEX Ix-xogħol fuq iċ-Ċentru Akkwatiku u Sportiv f’Għawdex jasal f’fażi importanti – jitpoġġew trusses u space frames tal-ħadid għas-saqaf fuq il-pixxina olimpika
STQARRIJA MILL-MINISTERU GĦAL GĦAWDEX Ix-xogħol fuq iċ-Ċentru Akkwatiku u Sportiv f’Għawdex jasal f’fażi importanti – jitpoġġew trusses u space frames tal-ħadid għas-saqaf fuq il-pixxina olimpika
STQARRIJA MILL-MINISTERU GĦAL GĦAWDEX Ix-xogħol fuq iċ-Ċentru Akkwatiku u Sportiv f’Għawdex jasal f’fażi importanti – jitpoġġew trusses u space frames tal-ħadid għas-saqaf fuq il-pixxina olimpika
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow