Left arrow Go Back

STQARRIJA MILL-MINISTERU GĦAS-SOLIDARJETÀ U L-ĠUSTIZZJA SOĊJALI, IL-FAMILJA U D-DRITTIJIET TAT-TFAL: Antoinette Vassallo tinħatar Kummissarju għat-Tfal

pr220141
Date Icon 01/02/2022

Il-Ministru għas-Solidarjetà u l-Ġustizzja Soċjali, il-Familja u d-Drittijiet tat-Tfal Michael Falzon ħatar lil Antoinette Vassallo bħala Kummissarju għat-Tfal. Dan wara li spiċċa t-terminu ta’ Pauline Miceli. 

Antoinette Vassallo gradwat bħala infermiera fl-1978 u ħadmet f’din il-professjoni sal-1985. Serviet bħala Sindku f’Ta’ Xbiex għal 14-il sena, sas-sena 2013.

Is-Sinjura Vassallo serviet bħala Direttur tal-Awtorità Maltija għall-Komunikazzjoni bejn April tal-2013 u Settembru tal-2017. Kienet Chairperson tal-Awtorità tad-Djar minn April tal-2013 sa Settembru tal-2017. Serviet ukoll bħala Direttur tal-Bord tal-Malta Industrial Parks minn Ottubru tal-2017 sa Ottubru tal-2019.

Hija ħadmet ukoll bħala Viċi Chairperson taċ-Children And Young Persons Advisory Board (CYPAB), fejn aktar tard inħatret bħala Chairperson tal-Bord sa Ġunju tal-2020. Fil-preżent hija membru tal-Bord fil-Kumitat tat-Tisħiħ tal-Familja, li huwa parti mill-Ministeru għas-Solidarjetà u l-Ġustizzja Soċjali, il-Familja u d-Drittijiet tat-Tfal.

Hija wkoll membru tal-Bord tal-Kumitat tal-Faċilità San Vinċenz de Paule.

Antoinette Vassallo twieldet fl-1957, hija miżżewġa lil Adrian Vassallo, u għandhom ħamest itfal. 

Il-ministeru jawgura lil Antoinette Vassallo għal din il-ħatra u jħares lejn kontinwità tax-xogħol li twettaq minn Pauline Miceli sabiex tingħata aktar vuċi u jingħataw ukoll id-drittijiet lit-tfal kollha f’pajjiżna, speċjalment dawk vulnerabbli. 

STQARRIJA MILL-MINISTERU GĦAS-SOLIDARJETÀ U L-ĠUSTIZZJA SOĊJALI, IL-FAMILJA U D-DRITTIJIET TAT-TFAL: Antoinette Vassallo tinħatar Kummissarju għat-Tfal
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow