Left arrow Go Back

STQARRIJA MILL-MINISTERU GĦALL-EKONOMIJA U L-INDUSTRIJA: Il-potenzjal ta’ Malta għall-wiri waqt id-Dubai Expo 2020

pr220071
Date Icon 19/01/2022

Matul id-Dubai Expo 2020 Malta, fost pajjiżi oħra, qiegħda tesebixxi l-potenzjal tagħha fir-rigward ta’ opportunitajiet ta’ negozju. Hawnhekk qed ikunu rappreżentati setturi varji inkluż it-turiżmu permezz tal-Padiljun Malti li qed tilqa’ fi ħdanha għadd ta’ entitajiet. 

B'individwi minn aktar minn 190 nazzjon jattendu, id-Dubai Expo qed tospita l-akbar laqgħa li qatt saret, u qed tagħti lil Malta kopertura wiesgħa bl-aktar modi effettivi.

Il-Ministru Silvio Schembri indirizza għadd ta’ mistiedna distinti u dinjitarji waqt il-ftuħ taċ-ċerimonja uffiċjali li mmarkat Malta Day waqt Expo 2020. L-Expo, li qed tiġi ospitata minn Dubai fl-Emirati Għarab Magħquda, bdiet fl-1 ta’ Ottubru 2021 u tispiċċa fil-31 ta’ Marzu 2022. L-Expo kienet ġiet posposta minħabba l-pandemija.

Malta qed turi s-servizzi tagħha f’belt meqjusa bħala waħda minn ta’ quddiem nett fil-kreattività u l-innovazzjoni. Il-Ministru Schembri ħeġġeġ lil dawk preżenti biex iżuru l-Padiljun ta’ Malta u jesploraw x’għandu joffri pajjiżna f’termini ta’ opportunitajiet ta’ negozju li jirrappreżentaw diversi setturi.

Il-Ministru Schembri stqarr li l-Expo se sservi ta’ opportunità kbira sabiex jissaħħu r-rabtiet bejn Malta u l-Emirati Għarab Magħquda filwaqt li pajjiżna jħares ’il quddiem li jkompli jikkolabora fuq għadd ta’ opportunitajiet kif ukoll biex tissaħħaħ ir-relazzjoni b’saħħitha fuq ftehimiet bilaterali. 

Fl-indirizz tiegħu, il-Ministru enfasizza li Malta rnexxielha tfassal u timplimenta strateġija biex timmitiga l-impatt negattiv li l-pandemija setgħet kellha fuq il-popolazzjoni Maltija. Dan permezz ta’ pakkett komprensiv ta’ assistenza għan-negozji u familji. Pjan li inkluda is-suppliment tal-pagi għall-ħaddiema li qed joperaw f’setturi li ġew affetwati fil-pandemija, flimkien mal-iskema ta’ sussidju ta’ kirja u posponiment ta’ taxxi, fost inċentivi oħra.

“Din il-kisba sinifikanti kienet possibbli biss għaliex ħdimna flimkien b’mod effiċjenti u permezz ta’ ftehim reċiproku” enfasizza l-Ministru Schembri.

Il-Ministru Schembri spjega li b’riżultat tal-effiċjenza fil-programm ta’ tilqim, Malta tista’ titkellem fuq l-inqas rata ta’ qgħad u l-ogħla rata ta’ impjiegi fl-istorja. Mhux biss, f’ċerti każijiet Malta wkoll irnexxielha taqbeż is-suċċessi passati fi sfond ta’ pandemija.

“Anke jekk Malta hija gżira żgħira fil-Mediterran, madanakollu dejjem rajna li nimmassimizzaw il-pożizzjoni strateġika tagħna. Irnexxielna nibnu pontijiet ma’ pajjiżi ġirien u lil hinn kif ukoll ma’ kulturi differenti filwaqt li nħaddnu d-diversità sabiex fuq kollox jinħolqu l-opportunitajiet”, qal il-Ministru Schembri. 

Għal ftuħ taċ-ċerimonja spikkat il-preżenza ta’ għadd ta’ artisti Maltin li esebixxew it-talent tagħhom u ta’ pajjiżna filwaqt li perpret il-bandiera Maltija fl-isfond tal-Padiljun Malti f’Dubai. 

Din iċ-ċerimonja segwiet laqgħa bejn il-Ministru Schembri u Sarah Bint Yousif Al Amiri, Ministru tal-Istat għal Teknoloġija Avvanzata fejn iddiskutew setturi fejn iż-żewġ partijiet jistgħu jikkollaboraw għall-benefiċċju kemm ta’ Malta u l-Emirati Għarab Magħquda. 

STQARRIJA MILL-MINISTERU GĦALL-EKONOMIJA U L-INDUSTRIJA: Il-potenzjal ta’ Malta għall-wiri waqt id-Dubai Expo 2020
STQARRIJA MILL-MINISTERU GĦALL-EKONOMIJA U L-INDUSTRIJA: Il-potenzjal ta’ Malta għall-wiri waqt id-Dubai Expo 2020
STQARRIJA MILL-MINISTERU GĦALL-EKONOMIJA U L-INDUSTRIJA: Il-potenzjal ta’ Malta għall-wiri waqt id-Dubai Expo 2020
STQARRIJA MILL-MINISTERU GĦALL-EKONOMIJA U L-INDUSTRIJA: Il-potenzjal ta’ Malta għall-wiri waqt id-Dubai Expo 2020
STQARRIJA MILL-MINISTERU GĦALL-EKONOMIJA U L-INDUSTRIJA: Il-potenzjal ta’ Malta għall-wiri waqt id-Dubai Expo 2020
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

More Press Releases Right arrow