Left arrow Go Back

STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI: Proġett biex tissaħħaħ il-provvista tal-elettriku fil-Baħrija u l-madwar

pr220066
Date Icon 18/01/2022

Jingħata bidu għal proġett infrastrutturali biex tissaħħaħ il-provvista tal-elettriku fil-Baħrija u l-madwar. Ix-xogħol qed isir wara diskussjonijiet bejn il-Ministeru għall-Enerġija, l-Intrapriża u l-Iżvilupp Sostenibbli, l-Enemalta u l-Kunsill Lokali tar-Rabat. 

Permezz tax-xogħlijiet li qed isiru, ir-residenti se jkunu jistgħu jgawdu minn sistema ġdida ta’ provvista tal-elettriku li tindirizza l-inkonvenjent li ffaċċjaw ir-residenti għal snin twal. 

Il-Baħrija hija lokalità li qed tkompli tikber fin-numru ta’ residenti. Sa qabel l-2013, l-infrastruttura kienet ferm lura. Fil-fatt, sa ftit tas-snin ilu lanqas sistema ta’ drenaġġ ma kien hemm. Għalhekk, tul dawn is-snin, il-gvern investa l-miljuni sabiex kull familja tkun imqabbda ma’ sistema ta’ drenaġġ komuni. 

Issa l-gvern qed jagħmel pass ieħor importanti fit-titjib tal-ħajja tar-residenti, b’investiment li se jkun qed jimmodernizza s-sistema infrastrutturali tal-elettriku. B’mod partikolari, għal snin twal ir-residenti ffaċċjaw problemi ta’ qtugħ ta’ dawl u vultaġġ baxx.

F’diskussjonijiet bejn il-Ministru għall-Enerġija Miriam Dalli, rappreżentanti tal-Enemalta u s-Sindku tar-Rabat Sandro Craus, ġie deċiż li jsir l-investiment f’din il-lokalità.

Ix-xogħol jinkludi tqegħid ta’ cables u modernizzar ta’ substations. 

“L-Enemalta hija impenjata li tkompli ssaħħaħ is-sistema ta’ distribuzzjoni f’pajjiżna. Dan il-proġett huwa wieħed minn sensiela ta’ proġetti li l-Enemalta qed taħdem fuqhom bħalissa bħala parti minn pjan ta’ ħames snin,” qalet il-Ministru għall-Enerġija Miriam Dalli.

Is-Sur Craus irringrazzja lill-gvern li se jkun qed iwettaq dan l-investiment filwaqt li saħaq dwar l-importanza ta’ dan il-proġett għar-residenti.

STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI: Proġett biex tissaħħaħ il-provvista tal-elettriku fil-Baħrija u l-madwar
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

More Press Releases Right arrow