Left arrow Go Back

STQARRIJA MILL-MINISTERU GĦALL-AMBJENT, IT-TIBDIL FIL-KLIMA U L-IPPJANAR: Inawgurata l-ewwel roundabout f’Malta li taħdem bil-pannelli

pr220065
Date Icon 18/01/2022

Roundabout fil-limiti ta’ Ħal Safi saret l-ewwel waħda li taħdem b’impjant fotovoltajku fejn l-apparat kollu elettriku u tal-irrigazzjoni tagħha se jkunu qed jużaw enerġija rinnovabbli ġenerata miċ-ċelloli fotovoltajċi.

Dan tħabbar mill-Ministru Aaron Farrugia li qal li dan hu l-ewwel proġett tax-xorta tiegħu f’Malta li jiddependi kollu kemm hu minn sorsi ta’ enerġija rinnovabbli.

Il-ministru spjega li din ir-roundabout, li tneħħiet fil-bidu tas-sena l-oħra, issa reġgħet ġiet installata bħala parti minn dan il-proġett u tħawlu numru ta’ pjanti li jattiraw il-pollinaturi. 

Il-proġett se jkun qed jiffranka madwar 10kg tal-emissjonijiet tal-karbonju kull 24 siegħa. 

“Dan il-proġett huwa eżempju ta’ kif kunsilli lokali u entitajiet oħra jistgħu jingħaqdu flimkien biex joħolqu proġetti sostenibbli, f’dan il-każ, jagħqdu l-enerġija rinnovabbli ma’ tisbiħ urban biex it-tnejn jagħtu eżempju, itejbu l-pajsaġġ urban tagħna, ikunu ta’ benefiċċju għall-pollinaturi u jieħdu l-benefiċċji tal-enerġija solari. Fuq il-post tħawlu wkoll pjanti staġjonali biex tissebbaħ l-estetika tal-proġett, u l-pjanti kollha huma adattati għall-klima ta’ Malta u ma jeħtiġux tisqija eċċessiva,” qal il-ministru.

Dan il-proġett sar minn Ambjent Malta bil-kollaborazzjoni tal-Kunsill Lokali ta’ Ħal Safi u tal-Environmental Landscapes Consortium (ELC) bħala l-kuntrattur. Preżenti għat-tħabbira kien hemm ukoll id-Direttur (Business Development) ta’ Ambjent Malta Francis Farrugia u Malta Embellishment and Landscaping Project (MELP) Senior Manager Joseph Borg Camilleri, kif ukoll is-sindku ta’ Ħal Safi Johan Mula.

Il-Ministru Farrugia tenna li Ambjent Malta hija impenjata li timplimenta u timmaniġġja żoni ta’ konservazzjoni, żoni protetti, infrastruttura ħadra u żoni sensittivi. Fl-2021 biss, Ambjent Malta investiet aktar minn €350,000 għal proġetti ġodda ta’ tisbiħ mal-ELC.

Is-sindku ta’ Ħal Safi Johan Mula qal li l-kunsill lokali sa mill-bidu nett xtaq li dan il-proġett ikun 100% ambjentalment nadif. Spjega li l-pannelli solari li ġew installati huma l-uniku sors ta’ enerġija għat-tħaddim ta’ dan il-proġett li jinkludi sistema ta’ irrigazzjoni għat-tisqija ta’ diversi arbuxelli li tħawlu fir-roundabout u fis-soft areas tal-madwar, is-sistema ta’ dawl LED li qed idawwal ir-roundabout kollha matul il-lejl u l-pompa li qed tħaddem il-funtana li saret waqt il-proġett stess.

STQARRIJA MILL-MINISTERU GĦALL-AMBJENT, IT-TIBDIL FIL-KLIMA U L-IPPJANAR: Inawgurata l-ewwel roundabout f’Malta li taħdem bil-pannelli
STQARRIJA MILL-MINISTERU GĦALL-AMBJENT, IT-TIBDIL FIL-KLIMA U L-IPPJANAR: Inawgurata l-ewwel roundabout f’Malta li taħdem bil-pannelli
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

More Press Releases Right arrow