Left arrow Go Back

STQARRIJA MILL-MINISTERU GĦAT-TURIŻMU U L-PROTEZZJONI TAL-KONSUMATUR: Inawgurata boutique hotel ġdida f’Tas-Sliema

pr220035
Date Icon 13/01/2022

B’investiment ta’ ’l fuq minn €1.5 miljun ġiet inawgurata boutique hotel ġdida f’Tas-Sliema. 

Din l-akkomodazzjoni ser tingħaqad mal-firxa wiesgħa ta’ faċlitajiet turistiċi li diġà jeżistu f’din il-lokalità turistika. 

L-għan ta’ din il-boutique hotel ser ikun li tattira klijentela b’interess kummerċjali li jinvestu f’pajjiżna. 

Dan sar magħruf waqt konferenza tal-aħbarijiet mill-Ministru għat-Turiżmu u l-Protezzjoni tal-Konsumatur Clayton Bartolo fil-preżenza taċ-Chairman tal-Awtorità Maltija għat-Turiżmu Gavin Gulia u d-Direttur Maniġerjali ta’ din l-akkomodazzjoni s-Sur Christian Gravina. 

F’kelmtejn tal-okkażjoni, il-Ministru għat-Turiżmu u l-Protezzjoni tal-Konsumatur Clayton Bartolo qal li din il-boutique hotel ser tkompli ssaħħaħ il-prodott turistiku li joffru Tas-Sliema u San Ġiljan. 

“Madwar 40% tat-turisti li jżuru l-gżejjer Maltin jagħżlu lil Tas-Sliema u San Ġiljan għall-akkomodazzjoni tagħhom. Għalhekk huwa importanti li nkomplu ninvestu bis-sħiħ f’iżjed infrastruttura ta’ kwalità f’dawn il-lokalitajiet,” kompla jgħid il-Ministru. 

Huwa żied jgħid li dan l-investiment huwa turija ċara tas-sinerġija li teżisti bejn il-Gvern ċentrali u s-settur privat. 

“Intenni l-apprezzament tiegħi lejn l-investituri u t-tmexxija ta’ din il-boutique hotel li fi żminijiet ta’ sfida qamu għall-okkażjoni u investew f’din il-binja. Intom ambaxxaturi ħajjin ta’ settur turistiku li jibqa’ relevanti fl-ekonomija Maltija,” temm jgħid il-Ministru Clayton Bartolo. 

Iċ-Chairman tal-Awtorità Maltija għat-Turiżmu Gavin Gulia rrimarka kif akkomodazzjoni ta’ din l-għamla tkompli tassigura li t-turisti li jiġu f’pajjiżna jkollhom togħma eżatta ta’ dak li joffri pajjiżna lil’hinn mill-baħar u x-xemx. 

Min-naħa tiegħu d-Direttur Maniġerjali Christian Gravina faħħar l-impenn tal-Gvern li kontinwament qiegħed ikun ta’ spalla mas-settur privat b’numru ta’ skemi bħal dik tal-wage supplement.  

STQARRIJA MILL-MINISTERU GĦAT-TURIŻMU U L-PROTEZZJONI TAL-KONSUMATUR: Inawgurata boutique hotel ġdida f’Tas-Sliema
STQARRIJA MILL-MINISTERU GĦAT-TURIŻMU U L-PROTEZZJONI TAL-KONSUMATUR: Inawgurata boutique hotel ġdida f’Tas-Sliema
STQARRIJA MILL-MINISTERU GĦAT-TURIŻMU U L-PROTEZZJONI TAL-KONSUMATUR: Inawgurata boutique hotel ġdida f’Tas-Sliema
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRESIDENT  Tliet Ambaxxaturi ġodda jippreżentaw il-kredenzjali tagħhom lill-President ta’ Malta

PR261952

STQARRIJA MILL-UFFIĊĊJU TAL-PRESIDENT Tliet Ambaxxaturi ġodda jippreżentaw...

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

More Press Releases Right arrow