Left arrow Go Back

STQARRIJA MIS-SEGRETARJAT PARLAMENTARI GĦALL-PROTEZZJONI TAL-KONSUMATUR U L-INDAFA PUBBLIKA: Imħabbra r-Rebbieħa ta’ Premju Servizz bi Tbissima 2021

pr212155
Date Icon 02/12/2021

L-Awtorità ta’ Malta għall-Kompetizzjoni u għall-Affarijiet tal-Konsumatur (MCCAA) ħabbret ir-rebbieħa tas-sitt edizzjoni ta’ Premju Servizz bi Tbissima waqt ċerimonja ta’ premjazzjoni.

Din is-sena ġew innominati ‘l fuq minn 1,000 bejjiegħ u kumpanija differenti fl-erba’ kategoriji. L-aqwa ħamsa f’kull kategorija ġew eżaminati mill-qrib mill-Bord ta’ Premju Servizz bi Tbissima biex l-ewwel ġie żgurat li l-voti li waslu kienu validi u skont it-termini u l-kundizzjonijiet tal-kompetizzjoni, u wkoll biex ġie vverifikat li n-negozjanti nominati mxew mal-kodiċi ta’ kondotta tal-premju. 

Waqt id-diskors tiegħu, s-Segretarju Parlamentari għall-Protezzjoni tal-Konsumatur u l-Indafa Pubblika Deo Debattista spjega li permezz ta’ inizjattivi bħal dawn il-bejjiegħa u l-kumpaniji li jiffukaw l-operat tagħhom fuq li jagħtu l-aqwa servizz lill-konsumaturi tagħhom jispikkaw minn fost il-kompetituri tagħhom. Semma wkoll li sena wara l-oħra, il-premju kiseb aktar parteċipazzjoni mill-pubbliku ġenerali, kif jidher miż-żieda fil-voti meta mqabbla mal-edizzjoni preċedenti.

Fl-indirizz tagħha, iċ-Chairperson tal-MCCAA Helga Pizzuto tkellmet dwar in-numru ta’ sfidi li affaċċjat l-awtorità waqt il-pandemija u kif din iffukat l-enerġija tagħha fuq l-assistenza għall-konsumaturi u l-bejjiegħa.

L-edizzjoni ta’ din is-sena kienet tinkludi erba’ kategoriji u l-votazzjoni mill-pubbliku saret bejn it-23 ta’ Lulju u l-20 ta’ Awwissu 2021.

Ir-rebbieħa minn kull kategorija kienu dawn:

Il-kategorija ta' Prodotti Elettroniċi u Affarijiet għad-Dar intrebħet minn Top Choice. 

It-tieni post: SCAN

It-tielet post: Forestals

Il-kategorija ta' Bejjiegħa Lokali Onlajn intrebħet minn hairhaven.mt.

It-tieni post: directvision.com.mt

It-tielet post: maltashopper.com

Il-kategorija Moda u Sbuħija intrebħet minn Hair Haven.

It-tieni post: Kiabi

It-tielet post: Inglot

Il-kategorija Supermarkets u Mini Markets intrebħet minn Maypole.

It-tieni post:  Pavi-Pama Supermarket

It-tielet post: Park Towers Supermarket (Welbee's)

STQARRIJA MIS-SEGRETARJAT PARLAMENTARI GĦALL-PROTEZZJONI TAL-KONSUMATUR U L-INDAFA PUBBLIKA: Imħabbra r-Rebbieħa ta’ Premju Servizz bi Tbissima 2021
STQARRIJA MIS-SEGRETARJAT PARLAMENTARI GĦALL-PROTEZZJONI TAL-KONSUMATUR U L-INDAFA PUBBLIKA: Imħabbra r-Rebbieħa ta’ Premju Servizz bi Tbissima 2021
STQARRIJA MIS-SEGRETARJAT PARLAMENTARI GĦALL-PROTEZZJONI TAL-KONSUMATUR U L-INDAFA PUBBLIKA: Imħabbra r-Rebbieħa ta’ Premju Servizz bi Tbissima 2021
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR HOME AFFAIRS AND SECURITY  Europe’s security is directly linked to that of the Mediterranean – Minister Glenn Bedingfield

PR261955en

PRESS RELEASE BY THE MINISTRY FOR HOME AFFAIRS AND SECURITY Europe’s secur...

STQARRIJA MILL-MINISTERU GĦALL-INTERN U S-SIGURTÀ  Is-sigurtà tal-Ewropa hija marbuta direttament ma’ dik tal-Mediterran – Il-Ministru Glenn Bedingfield

PR261955

STQARRIJA MILL-MINISTERU GĦALL-INTERN U S-SIGURTÀ Is-sigurtà tal-Ewropa hi...

More Press Releases Right arrow