Left arrow Go Back

STQARRIJA MILL-MINISTERU GĦALL-AFFARIJIET BARRANIN U EWROPEJ: Malta tagħti 135,000 doża ta’ vaċċin lill-poplu tal-Ghana

pr211999
Date Icon 06/11/2021

Il-Gvern ta’ Malta ta aktar minn 135,000 doża tal-vaċċin kontra l-COVID-19 lill-poplu tal-Ghana, filwaqt li kompla juri solidarjetà mal-pajjiżi fil-bżonn, b’mod partikolari fl-Afrika Sub-Saħarjana. Illum waslet f’Accra titjira speċjali diretta tal-Air Malta lejn il-Ghana, ikkordinata mill-Ministeru għall-Affarijiet Barranin u Ewropej. Jean Claude Galea Mallia, il-Kummissarju Għoli ta’ Malta għall-Ghana, kien fl-ajruport ta’ Accra biex jikkordina l-wasla u t-tqassim tal-vaċċin.

F’konformità mal-Istrateġija tal-Ministeru għall-Affarijiet Barranin u Ewropej għall-Afrika, f’dawn l-aħħar xhur, Malta bdiet kampanja ta’ donazzjoni ta’ mijiet ta’ eluf ta’ dożi ta’ vaċċin lil pajjiżi li ilhom jissieltu biex jiksbu biżżejjed minnhom.

L-isforzi kollha ta’ Malta għad-donazzjonijiet tat-tilqim tmexxew b’mod konġunt minn uffiċjali mill-Ministeru għall-Affarijiet Barranin u Ewropej u l-Ministeru għas-Saħħa, li jaħdmu mill-qrib mad-Dipartiment tal-Protezzjoni Ċivili. Kollettivament kważi 340,000 doża tal-vaċċin ġew mogħtija s’issa, donazzjonijiet minn Malta lejn il-Libja, l-Eġittu u r-Rwanda, liema donazzjonijiet mistennija jkomplu fil-ġimgħat u x-xhur li ġejjin.

Waħda mir-realtajiet li għaddejjin bħalissa tal-pandemija tal-COVID-19 hija li l-aċċess għal vaċċini li għandhom l-għan li jnaqqsu l-impatt tiegħu għadu mhux ugwali. Malta hija impenjata li tagħmel il-parti tagħha biex tindirizza din id-distribuzzjoni mhux ugwali, peress li COVID-19 mhux se jiġi solvut sakemm kulħadd jitlaqqam.

STQARRIJA MILL-MINISTERU GĦALL-AFFARIJIET BARRANIN U EWROPEJ: Malta tagħti 135,000 doża ta’ vaċċin lill-poplu tal-Ghana
STQARRIJA MILL-MINISTERU GĦALL-AFFARIJIET BARRANIN U EWROPEJ: Malta tagħti 135,000 doża ta’ vaċċin lill-poplu tal-Ghana
STQARRIJA MILL-MINISTERU GĦALL-AFFARIJIET BARRANIN U EWROPEJ: Malta tagħti 135,000 doża ta’ vaċċin lill-poplu tal-Ghana
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow