Left arrow Go Back

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI , MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI U MIS-SEGRETARJAT PARLAMENTARI GĦALL-FONDI EWROPEJ

pr211952
Date Icon 28/10/2021

362 charging point pubbliku għal sidien ta’ karozzi elettriċi sal-aħħar tas-sena

Bl-użu tal-mobile app ‘Charge My Ride’, sidien ta’ karozzi elettriċi se jkollhom aċċess għal aktar charging points b’tariffi li huma fost l-orħos fl-Ewropa

Sal-aħħar ta’ din is-sena, sewwieqa ta’ vetturi elettriċi se jkollhom aċċess għal total ta’ 362 charging point f’postijiet pubbliċi madwar Malta u Għawdex. Biex ikun iffaċilitat l-aċċess għaċ-charging pillars, ġew żviluppati website u mobile app biex il-pubbliku jista’ jinqeda b’mod aktar effiċjenti. 

Il-mobile app ‘Charge My Ride’ tista’ titniżżel mill-Playstore u l-Appstore, filwaqt li s-sit www.chargemyride.mt joffri aktar informazzjoni dwar l-użu taċ-charging pillars, il-post ta’ fejn qed jiġu lokalizzati ċ-charging pillars u t-tariffi applikabbli.

Is-sistema adottata hija waħda moderna u interoperabbli, biex b’hekk ġie adottat l-Open Charge Point protocol. Dan ifisser li pilastri differenti jkunu magħquda biex ix-xufiera ma jkunux marbuta ma’ operatur wieħed biss fl-użu taċ-charging pillars. Il-56 charging pillar li kienu qed jagħmlu użu minnhom is-sewwieqa sa issa se jkunu qed jiġu aġġornati għal din is-sistema wkoll.

Il-konferenza tal-aħbarijiet ġiet indirizzata mill-Ministru għat-Trasport, l-Infrastruttura u l-Proġetti Kapitali Ian Borg, il-Ministru għall-Enerġija, l-Intrapriża u l-Iżvilupp Sostenibbli  Miriam Dalli u s-Segretarju Parlamentari għall-Fondi Ewropej Stefan Zrinzo Azzopardi. 

“B’dan l-investiment ta’ €3 miljun, qed noffru lis-sewwieqa 130 charging pillar ġdid, li waħedhom ifissru 260 charging point, b’software avvanzat u sistema interoperable. Sal-aħħar tas-sena se jkollna 362 charging point. Qed inkunu innovattivi fl-ippjanar tagħna biex anke turisti li jżuru l-gżejjer tagħna jkollhom aċċess biex jiċċarġjaw il-vettura tagħhom,” ħabbret il-Ministru Miriam Dalli.

Fost il-130 charging pillar ġdid, se jkun hemm disponibbli 22 fast charger – li bih batterija tiċċarġja f’inqas minn tliet kwarti – u 108 medium charger. 

Il-Ministru Dalli spjegat kif, meta mqabbel ma’ karozza petrol jew diesel, is-sewwieqa se jiffrankaw. Persuna li ssuq medja ta’ 50 kilometru kuljum tonfoq mat-€30 fil-ġimgħa fi fjuwil. B’vettura elettrika, l-istess ammont ta’ vjaġġar jiġi jiswa madwar €13 fil-ġimgħa, jiġifieri anqas minn nofs. 

Il-Ministru għat-Trasport, l-Infrastruttura u l-Proġetti Kapitali Ian Borg qal, “Huwa kruċjali li nkomplu naħdmu biex nilħqu l-miri tagħna ta’ dikarbonizzazzjoni u l-gvern, anke permezz tal-miżuri tal-budget ta’ din is-sena, reġa’ wera għal darb’oħra l-impenn u l-viżjoni ambjentali tiegħu. Rajna li nkomplu nerfgħu mill-piż tan-nies u ngħinuhom anke finanzjarjament permezz ta’ żieda fi grants, apparti li se nkunu qed nagħtu trasport pubbliku b’xejn lil kulħadd.”

“Il-gvern huwa favur il-mixja lejn l-elettrifikazzjoni tal-vetturi u għalhekk, b’investiment ta’ €40 miljun minn fondi Ewropej, sal-2030 se nelettrifikaw il-flotta tat-trasport pubbliku kollha. Apparti hekk, ġie ffirmat ftehim biex il-flotta ta’ 870 vettura tal-gvern jinqalbu għall-elettriku wkoll. L-installazzjoni ta’ dawn iċ-charging pillars se jkun pass eqreb li anke jmur id f’id mal-Low Carbon Strategy, pjan ta’ żvilupp fejn min-naħa tagħna bħala Ministeru għat-Trasport se nkunu qed nimplimentaw miżuri sabiex inkomplu nersqu lejn il-viżjoni tagħna ta’ dikarbonizzazzjoni. Huwa permezz ta’ dawn il-kollaborazzjonijiet u ħidma li se nkunu qed nilħqu t-targets meħtieġa.” 

Is-Segretarju Parlamentari għall-Fondi Ewropej Stefan Zrinzo Azzopardi spjega kif dan il-proġett, min-nefqa totali ta’ madwar €3 miljun, madwar €1 miljun minnhom ġejjin minn fondi Ewropej.

Dr Zrinzo Azzopardi fakkar li, bħala parti mill-Pjan ta’ Rkupru u Reżiljenza, l-Unjoni Ewropea aċċellerat it-tnedija tal-mobbiltà elettrika billi pproponiet miri aktar ambizzjużi. Aktar żviluppi infrastrutturali bħal dawn huma mistennija li jsiru permezz ta’ fondi Ewropej għas-seba’ snin li ġejjin.

Il-Ministri u s-Segretarju Parlamentari kienu qed jindirizzaw il-konferenza tal-aħbarijiet minn ġewwa t-Trelleborg. Il-Ministru Dalli spjegat kif din it-tranżizzjoni għad-dekarbonizzazzjoni toħloq l-opportunità ta’ investiment ġdid u toffri opportunitajiet ta’ xogħol fil-qasam tal-manifattura. Fil-fatt, it-Trelleborg hija waħda mill-kumpaniji f’pajjiżna li timmanifattura components għal vetturi elettriċi.

Lista informattiva dwar it-tariffi:

Standard E-Drive waqt off-peak: €0.1698c/unit   

Standard E-Drive waqt on-peak: €0.1885c/unit 

Fast E-Drive waqt off-peak: €0.1798c/unit 

Fast E-Drive waqt on-peak: €0.1985c/unit

Il-ħinjiet off-peak japplikaw minn 00:00 sa 05:59am u mill-12:00 sa 15:59, u l-Ħadd il-ġurnata kollha (00:00 u 23:59).

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI , MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI U MIS-SEGRETARJAT PARLAMENTARI GĦALL-FONDI EWROPEJ
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI , MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI U MIS-SEGRETARJAT PARLAMENTARI GĦALL-FONDI EWROPEJ
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI , MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI U MIS-SEGRETARJAT PARLAMENTARI GĦALL-FONDI EWROPEJ
STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI , MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI U MIS-SEGRETARJAT PARLAMENTARI GĦALL-FONDI EWROPEJ
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow