Left arrow Go Back

STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI Tnedija ta’ Park Fitness bi ħsieb li titqajjem kuxjenza fuq is-saħħa fiżika

pr211865
Date Icon 08/10/2021

Bi ftit jiem biss ’il bogħod mill-Jum Dinji għas-Saħħa Mentali, il-Ministru għall-Enerġija, l-Intrapriża u l-Iżvilupp Sostenibbli Miriam Dalli flimkien mas-Supretendent għas-Saħħa Pubblika l-Professur Charmaine Gauci ħabbru inizjattiva bl-għan li jiżdied l-għarfien fuq is-saħħa mentali permezz tal-eżerċizzju fiżiku.

Parks Malta fi ħdan il-Ministeru għall-Enerġija, l-Intrapriża u l-Iżvilupp Sostenibbli ħarġu b’kunċett ta’ Parks Fitness fejn qed jinkoraġġixxu lill-pubbliku biex jagħmel eżerċizzju fil-parks kollha f’pajjiżna permezz ta’ videos ippubblikati fuq il-website: www.parksmaltafitness.com.

F’konferenza tal-aħbarijiet fil-park ta’ San Klement f’Ħaż-Żabbar, il-Ministru Dalli spjegat dwar l-importanza tal-attività fiżika u dik tas-saħħa mentali.

“Irridu mmorru lil hinn mill-ħsieb li l-parks għandhom użu wieħed biss – dak li jintużaw għal picnics. Bl-inizjattiva tal-lum, qed inżewġu l-aspett tal-eżerċizzju fiżiku mas-saħħa mentali, fejn qed inħeġġu lill-pubbliku biex jagħmel użu minn dawn il-parks waqt li jagħmel eżerċizzju, fejn Park Fitness se tkun qed tipprovdi eżerċizzji ta’ livell inizjali, intermedjarju u dak avvanzat,” qalet il-Ministru Miriam Dalli.

Fost l-objettivi li għandha Parks Malta, wieħed huwa li tkompli ssaħħaħ u toffri kwalità ta’ ħajja aħjar għall-pubbliku permezz ta’ spazji miftuħa. L-użu tal-Park ta’ San Klement huwa eżempju wieħed ta’ kif il-parks u l-ispazji miftuħa madwar Malta u Għawdex jistgħu jintużaw għal tipi ta’ rikreazzjoni differenti. Għalhekk ukoll, Parks Malta kontinwament qed tinvesti biex aktar spazji miftuħa  jiġu riġenerati biex aktar nies igawdu minn ambjent sigur u nadif. 

“Min-naħa ta’ Parks Malta, kontinwament qed ninvestu f’aktar spazji miftuħa u siguri, fejn il-pubbliku jkun jista’ jagħmel eżerċizzju waqt li jirrilassa,” irrimarkat l-Ministru Dalli. 

Min-naħa tagħha, il-Professur Charmaine Gauci spjegat kif inizjattivi bħal dawn huma importanti biex inkomplu nippromwovu s-saħħa mentali u dik fiżika.  

“Bħala Supretendent għas-Saħħa Pubblika, huwa l-irwol tagħna li nagħtu appoġġ għall-ħajja aħjar, fejn ninvestu fil-ħajjiet tan-nies u nħeġġuhom jgħixu ħajja aktar b’saħħitha. Għalhekk, bl-inizjattiva tal-lum se nkunu qed inkomplu ninkoraġġixxu kwalità ta’ ħajja aħjar permezz ta’ spazji miftuħa u ambjent aktar sigur,” stqarret il-Professur Gauci.

STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI Tnedija ta’ Park Fitness bi ħsieb li titqajjem kuxjenza fuq is-saħħa fiżika
STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI Tnedija ta’ Park Fitness bi ħsieb li titqajjem kuxjenza fuq is-saħħa fiżika
STQARRIJA MILL-MINISTERU GĦALL-ENERĠIJA, L-INTRAPRIŻA U L-IŻVILUPP SOSTENIBBLI Tnedija ta’ Park Fitness bi ħsieb li titqajjem kuxjenza fuq is-saħħa fiżika
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow