Left arrow Go Back

STQARRIJA MILL-MINISTERU GĦALL-AMBJENT, IT-TIBDIL FIL-KLIMA U L-IPPJANAR Il-gvern se jmexxi bl-eżempju: l-akkwist pubbliku aħdar u ambjentali tal-gvern se jitla’ għal 90%

pr211859
Date Icon 08/10/2021

Kriterji ġodda ħodor fl-akkwist pubbliku (public procurement) tal-gvern se jwasslu biex il-karozzi ġodda kollha taċ-ċivil se jkunu elettriċi mis-sena d-dieħla. Din hi miżura fost ħafna oħrajn fit-tieni pjan ta’ azzjoni tal-Green Public Procurement (GPP), imniedi mill-Ministru għall-Ambjent, it-Tibdil fil-Klima u l-Ippjanar Aaron Farrugia. 

Il-ministru spjega li l-GPP ser ikun qed japplika għall-ministeri, għall-aġenziji u għall-entitajiet governattivi u jippromwovi iktar prodotti u servizzi li jagħmlu l-inqas ħsara ambjentali u li jgħinu biex nindirizzaw l-isfida tat-tibdil fil-klima. Il-GPP se jkun l-għodda li bih il-gvern ikun minn ta’ quddiem biex jippromwovi prodotti u servizzi “environmentally-friendly”, u jżid il-preżenza u l-aċessibilità tagħhom fuq is-suq. “B’hekk niffaċilitaw it-tranżizzjoni ambjentali u dik ekoloġika tagħna għal ekonomija ċirkulari minn dik lineari li prattikajna fl-aħħar snin,” qal il-Ministru Farrugia. 

Dan it-tieni pjan idaħħal miri ambizzjużi għal sbatax-il grupp ta’ prodotti u ta’ servizzi, li erbatax minnhom huma mandatorji. Dan ifisser li kull tender li joħroġ ser ikun josserva l-kriterji tal-GPP. Il-kriterji jilħqu l-iskop maħsub biex iniġġsu inqas l-ambjent, u huma mudellati fuq kriterji stabbiliti mill-Kummissjoni Ewropea, filwaqt li jieħdu in konsiderazzjoni ċ-ċirkostanzi lokali.

“Hawnhekk qed nippreżentaw it-tieni strateġija tal-GPP wara li saret konsultazzjoni pubblika anke mal-industrija għaliex l-operaturi ekonomiċi jridu jipprovdu lill-gvern dawn il-prodotti u servizzi li jagħmlu inqas ħsara lill-ambjent,” spjega l-ministru, filwaqt li żied li b’dan il-pjan, in-nefqa tal-gvern fuq dawn il-prodotti u servizzi se titla għal 90%. 

Eżempju ieħor, fejn il-GPP hija għodda li tgħin lill-gvern jilħaq l-għanijiet ambjentali tiegħu, huwa x-xiri u l-kiri ta’ vetturi. Meta l-gvern jew entità tiegħu tkun trid tixtri jew tikri karozzi general use (passenger cars), it-tender se jispeċifika li l-karozzi jridu jkunu jniġssu inqas minn 50g CO2 kull km (jiġifieri jkunu elettriċi). Din il-miżura se ssir mandatorja mis-sena 2022 ’il quddiem.  

“Dan il-pjan jindirizza l-akkwist pubbliku minn aspett ħolistiku biex dawn il-prodotti u servizzi li jħallu impatt inqas fuq l-ambjent ikunu aktar komuni fis-suq. Għalhekk, numru ta’ inizjattivi ġew maħsuba biex jiffaċilitaw il-proċess. Permezz ta’ dawn il-miżuri, il-gvern mhux biss se jkun ta’ eżempju għall-privat u għall-konsumatur, iżda se jkun qed jimbotta s-suq lejn prodotti u servizzi li jagħmlu inqas ħsara lill-ambjent, għall-gwadann tal-ambjent tagħna, u għas-saħħa u għall-kwalità ta’ ħajja tal-familji tagħna. B’miżuri ambizzjużi bħal dawn, pajjiżna se jkompli miexi lejn it-tranżizzjoni ekoloġika u lejn n-newtralità mill-karbonju,” qal il-ministru.

STQARRIJA MILL-MINISTERU GĦALL-AMBJENT, IT-TIBDIL FIL-KLIMA U L-IPPJANAR Il-gvern se jmexxi bl-eżempju: l-akkwist pubbliku aħdar u ambjentali tal-gvern se jitla’ għal 90%
STQARRIJA MILL-MINISTERU GĦALL-AMBJENT, IT-TIBDIL FIL-KLIMA U L-IPPJANAR Il-gvern se jmexxi bl-eżempju: l-akkwist pubbliku aħdar u ambjentali tal-gvern se jitla’ għal 90%
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow