DISKORS MILL-ONOR DOLORES CRISTINA, MINISTRU TAL-EDUKAZZJONI, XOGĦOL U L-FAMILJA, FIR-RESEARCH SYMPOSIUM - ĊENTRU TAL-MEDITERRAN GĦALL-KONFERENZI, VALLETTA – L-ERBGĦA, 29 TA’ SETTEMBRU 2010
pr1770
29/09/2010
| Matul | dawn l-aħħar ħames snin daħħalna tliet skemi ta’ scholarships li permezz tagħhom sa tmiem din is-sena se nkunu qassamna aktar minn 1080 scholarship b’nefqa ta’ kważi €12 miljun. |
| Jekk | nieħdu biss l-iskemi ta’ Scholarships Post Graduate nsibu li taħt il-Malta Government Scholarships Scheme bejn l-2006 u din is-sena se nkunu tajna 219 il-Borża ta’ Studju – 98 minnhom għal Dottorat u 121 għal Masters. |
| Taħt | l-iskema ta’ STEPS bejn Jannar 2009 u issa se nkunu qassamna total ta’ 426 scholarship, 84 minnhom għal Dottorat u 342 għal Masters. |
| Tajna | wkoll 500 scholarship fl-iskema Under Graduate tal-MGSS. |
| Interessanti li wieħed jinnota li fiż-żewg skemi | Post Graduate, il-maġġoranza ta’ studenti li rebħu l-Boroż ta’ Studju huma nisa filwaqt li fl-Under Graduate il-maġġoranza huma rġiel. |
| Is-suġġetti li fihom l-istudenti tagħna għażlu li | jkomplu jistudjaw huma varji u ta’ interess kbir għal pajjiżna filwaqt li hemm numru li l-interess tagħhom imur anke ‘l hinn minn xtutna u huma ta’ interess ġenerali – fosthom studji fil-qasam tal-mediċina. |
| L-istudenti li kienu fost l-ewwel li bbenefikaw minn | dawn l-iskemi ta’ Scholarships issa spiċċaw jew waslu biex itemmu l-istudji tagħhom. Permezz ta’ dawn l-istudenti l-pajjiż se jkabbar il-ħażna tal-għerf tiegħu u naturalment irridu nħarsu ‘l quddiem biex l-investiment kbir li l-Gvern qed jagħmel b’dawn l-iskemi, il-pajjiż jibda jgawdi minnhom. |
| Għalhekk, il-Kummissjoni | Nazzjonali għall-Edukazzjoni Ogħla se tagħmel studju biex tara kif nistgħu nsarrfu dan l-investiment u f’liema oqsma jistgħu jikkontribwixxu dawk li bbenefikaw minn dawn l-iskemi ta’ scholarships. |
| Fid-Dokument ta’ Qabel il-Budget, il-Gvern qed juri | l-impenn tiegħu li jmur ‘l hinn minn dak li wettaqna s’issa. Konxju li l-iskema STEPS li hi finanzjata minn fondi tal-Unjoni Ewropea, trid tieqaf sal-2013 u allura bażikament din is-sena hi l-aħħar sena li jistgħu jsiru sejħiet taħt din l-iskema, il-Gvern qed jindika li jsir aktar investiment permezz tal-Malta Government Scholarships Scheme. |
| Barra | minn dan il-Gvern qed jgħid ukoll li la issa kabbarna l-bażi tal-persuni Maltin li għandhom dottorat, l-opportunita’ ta’ riċerka għandha tkompli titwessa u allura rridu nħarsu lejn il-possibbilta’ li issa nintroduċu skema li toffri l-possibbilta’ li wieħed ikompli jistudja anke wara li jikseb id-Dottorat – il Post Doctoral. |
| Għal | skema bħal din irid ikollna miri ċari ħafna. Irridu nidentifikaw numru ta’ oqsma li huma ta’ prijorita’ għal pajjiżna biex min diġa’ għandu d-Dottorat u jrid ikompli bir-riċerka tiegħu f’dawn l-oqsma li huma importanti għall-pajjiż, ngħinuh ikompli jkabbar il-kompetenza tiegħu biex ikompli r-riċerka u l-pajjiż jibbenefika mir-riżultati ta’ din ir-riċerka. |
| Hu | pjaċir tiegħi dal-għodu li nilqa’ fostna lil Dr. Martin Lange, Policy Officer fid-Direttorat Ġenerali tal-Edukazzjoni u l-Kultura tal-Kummissjoni Ewropea. |
| Dr. Lange ġie Malta biex ikollu | laqgħat ma’ uffiċjali tal-Gvern biex nesploraw il-possibiltajiet li nisfruttaw fondi oħra mill-Unjoni Ewropea għal skopijiet ta’ riċerka. Fil-fatt il-lum stess se ssir laqgħa bejn id-Direttorat għat-Tagħlim Tul il-Ħajja li hu responsabbli mill-amministrazzjoni tal-iScholarships, il-Kunsill Malti għax-Xjenza u t-Teknoloġija u l-Universita’ ta’ Malta flimkien ma’ Dr. Lange biex naraw nistgħux napplikaw għal dawk li huma magħrufa bħala il Marie Curie Actions COFUNDS. |
| L-iskema | tal-COFUND għandha l-iskop li żżid il-mobilita’ madwar l-Ewropa għal riċerkaturi ta’ esperjenza bl-involviment tas-settur privat. Dawn il-fondi ma jitqassmux lill-pajjiżi skont xi kwota iżda skont kemm il-programmi ta’ riċerka li jippreżentaw ikunu kompetittivi. Permezz ta’ dawn il-fondi, jekk nippreżentaw proġetti ta’ riċerka li jkunu kompettitivi nistgħu nakkwistaw sa €10 miljun fuq perjodu ta’ bejn tnejn u ħames snin. |
| Jien | inħossni kunfidenti, li bil-proġetti ta’ riċerka li rajna s’issa, nistgħu nippreżentaw proposta li tkun kompetittiva biżżejjed biex niksbu wkoll minn dawn il-fondi. |
| Kif | qegħdin taraw, il-Gvern mhux nieqes mir-rieda u l-volonta’ li nkomplu nkabbru dawn il-qasam tar-riċerka permezz tal-Boroż ta’ Studju. Dawn huma opportunitajiet kbar li l-pajjiż qed joffri u għalhekk inħeġġeġ aktar Maltin biex jisfruttaw dawn l-opportunitajiet. |
Grazzi.
Other Press Releases:
PR261993
STQARRIJA MILL-MINISTERU GĦALL-INKLUŻJONI U L-VOLONTARJAT “Meta nappoġġjaw...
PR261992