Left arrow Go Back

JINGĦATA BIDU GĦAL PROPOSTA OĦRA TA’ EKO-GĦAWDEX

pr1723
Date Icon 23/09/2010
Il-Ministeru għal Għawdex qed jipparteċipa fiproġett ġdid iffinanzjat minn fondi Ewropej, li l-għanijiet tiegħu huma li jgħin lill-awtoritajiet reġjonali fl-Ewropa biex jiżviluppaw politika li tippromwovi aktar żvilupp fis-settur tal-eko-akkomodazzjoni, kif ukoll fis-sbuħija tat-territorji rurali għal skopijiet turistiċi.
Danil-proġett, “Kunċett innovattiv ta’ eko-akkomodazzjoni f’reġjuni rurali: żvilupp ta’ politika ta’ għajnuna għall-eko-investituri” (Akronimu: ICER) huwa ffinanzjat mill-programm INTERREG IVC li huwa parti mill-Fond Ewropew għal Żvilupp Reġjonali. It-total ta’ fondi allokati għal dan il-proġett huwa ta’ €1.4 miljun. L-awtoritajiet rurali li huma msieħba fil-proġett ICER ġejjin minn Franza, is-Slovenja, Spanja, il-Fillandja, l-Ungerija, l-Irlanda u Malta.
Fostl-oħrajn dan il-proġett ser janalizza l-istrateġiji għall-iżvilupp tat-turiżmu f’dawn ir-reġjuni, politika konkreta għal żvilupp sostenibbli, politika dwar ċertifikazzjoni, għodda għall-marketing, l-identifikazzjoni tal-aqwa prattiċi għal kull reġjun u l-appoġġ tal-politika pubblika għall-investiment privat.
Matul it-tnedijatal-ewwel attività ta’ dan il-proġett f’Għawdex, l-Onor. Giovanna Debono, Ministru għal Għawdex, laqgħet lill-imsieħba tal-ICER fil-gżira u qalet li dan il-proġett se jirriżulta fl-implimentazzjoni ta’ proposta mniżżla fil-pjan ta’ azzjoni ta’ eko-Għawdex għall-perjodu 2010–2012: l-iżvilupp ta’ politika speċifika dwar l-agro-turiżmu u l-eko-turiżmu għal Għawdex.
Il-Ministru Debono qaletli l-implimentazzjoni ta’ din l-istrateġija ta’ gżira ekoloġika, tinsab għaddejja bl-akbar intensità – bil-proġetti li qed isiru bħalissa jinkludu fost l-oħrajn: tħawwil ta’ aktar siġar, restawr ekoloġiku, faċilitajiet għal ħażna ikbar tal-ilma tax-xita, it-twaqqif ta’ Ċentru ġdid tar-Riċerka, Żvilupp u Innovazzjoni għall-Agrikoltura, programmi edukattivi fl-iskejjel, riċerka u konservazzjoni tar-riżorsi ġenetiċi tal-gżira, edukazzjoni dwar stili ta’ ħajja aktar b’saħħitha, żvilupp tar-riżors uman fil-gżira, kif ukoll żieda fl-infrastruttura għall-enerġija rinovabbli.
Hija żiedet tgħid li l-ProġettICER ser jgħin lill-Ministeru għal Għawdex jassigura li s-settur tat-turiżmu – b’mod partikolari dak tal-akkomodazzjoni – ikun involut fil-proċess tal-bidla li qed jitlob il-proġett ta’ eko-Għawdex. Ser jgħin ukoll biex tinħoloq politika ġdida speċifika għall-gżira, għall-agro-turiżmu u l-eko-turiżmu. Il-Proġett ICER ser jassisti wkoll lill-Ministeru għal Għawdex biex ibiegħ lil Għawdex bħala gżira ekoloġika.
Il-Ministru Debono qalet ukoll li sabiex danil-proċess ikun effettiv, jeħtieġ l-involviment ta’ individwi u entitajiet pubbliċi u privati li huma involuti fis-settur. B’hekk is-soluzzjonijiet ikunu tanġibbli u realistiċi u jkunu jistgħu jiġu implimentati.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow