Left arrow Go Back

Malta tingħata prominenza f’rivista ferm popolari fil-Polonja

pr1428
Date Icon 03/08/2010
Ir-rivista popolari Niedziela (Il-Ħadd) litigi ppubblikata fil-Polonja, tat prominenza kbira lil Malta bħala destinazzjoni turistika ta’ storja, reliġjon u kultura. Il-faċċata ta’ quddiem u żewġ paġni bil-kulur fuq ġewwa taw informazzjoni u promozzjoni importanti fuq pajjiżna. Fil-faċċata ta’ quddiem tar-rivista, ġie ppubblikat ritratt bil-kulur tal-Port il-Kbir, li jagħti prominenza lill-Belt Kapitali, fil-waqt li fil-paġni ta’ ġewwa, insibu żewġ paġni  b’informazzjoni dwar Malta bħala destinazzjoni turistika u kulturali. Din ir-rivista hija waħda mill-iktar popolari fil-Polonja.
L-Ambaxxata li Malta fetħet is-sena li għaddietf’Varsavja, immexxija mill-Ambaxxatur Godwin Montanaro, kienet kruċjali sabiex jinbnew il-kuntatti neċessarji u jsiru artikli simili. L-artiklu jitkellem dwar dak kollu li toffri Malta bħala destinazzjoni turistika, fosthom ix-xemx, il-klima, l-istorja, l-ospitalita’, is-servizzi turistiċi li joffri pajjiżna, kif ukoll il-prodott tajjeb turistiku li jħabbata mal-aqwa destinazzjonijiet fl-Ewropa.
Bħalaġurnal kattoliku li jagħti importanza lit-tradizzjonijiet reliġjużi, l-artikolista ta ħarsa estensiva lejn l-istorja ta’ Malta, fosthom lill-Kavallieri ta’ San Ġwann, il-ħakma Ingliża, u l-influwenza Taljana fuq pajjiżna;  kif ukoll l-istorja riċenti li sawret pajjiżna bid-dħul ta’ Malta fl-Unjoni Ewropea u d-dħul fiz-zona ewro.
Tissemmawkoll it-tradizzjoni kattolika ta’ Malta, fosthom iż-żjarat li għamel il-Papa Ġwanni Pawlu II f’pajjiżna u l-aħħar żjara tal-Papa Benedittu XVI. L-artiklu jgħalaq bi promozzjoni ta’ Malta bħala destinazzjoni turistika speċjalment dik reliġjuża.
Attwalment jeżistu titjiriet diretti bejn Malta ul-Polonja. Linji tal-Ajru Low Cost joffru titjiriet, darbtejn fil-ġimgħa  lejn l-Ajruport ta’ Krakovja, filwaqt li l-Linja Nazzjonali Airmalta toffri minn zmien għall-ieħor titjiriet lejn il-Polonja.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow