Left arrow Go Back

IR-RAPPREŻENTANZA TA’ MALTA FIL-KUMITAT EKONOMIKU U SOĊJALI EWROPEW

pr1323
Date Icon 16/07/2010
Il-Gvern irid jiċċarailli l-obbligu tiegħu taħt l-Artiklu 300 tat-Trattat dwar il-Funzjonament tal-Unjoni Ewropea jistabbilixxi illi l-Kumitat Ekonomiku u Soċjali Ewropew “għandu jkun kompost minn rappreżentanti ta’ organizzazzjonijiet ta’ min iħaddem, ta’ impjegati, u ta’ partijiet oħra li jirrapreżentaw is-soċjetà ċivili, speċjalment fl-oqsma soċjo-ekonomiċi, ċiviċi, professjonali u kulturali.”
Fid-dawl ta’ dan, hijaprassi li meta jasal iż-żmien sabiex jiġġedded il-mandat tal-membri ta’ dan il-Kumitat, il-Gvern jitlob lill-Kunsill Malti għall-Iżvilupp Ekonomiku u Soċjali (MCESD) jissottometti s-suġġerimenti tiegħu għat-tliet setturi mniżżla fl-Artiklu 300 tal-imsemmi Trattat.
L-MCESD jintalabjissottometti żewġ ismijiet għal kull post vakanti: erba’ ismijiet ta’ persuni li jirrappreżentaw lil min iħaddem, erba’ ismijiet ta’ persuni li jirrappreżentaw lill-impjegati, u żewġ ismijiet ta’ persuni li jirrappreżentaw lis-soċjetà ċivili. Minn fost dawn, il-Gvern jagħżel ħames persuni sabiex jirrappreżentaw lil Malta fil-Kumitat Ekonomiku u Soċjali Ewropew. Tnejn mill-persuni magħżula jkunu ġejjin mil-lista ta’ min iħaddem, tnejn oħra jkunu ġejjin mil-lista ta’ impjegati, u persuna oħra tkun ġejja mis-soċjetà ċivili.
Sfortunatament,l-għaqdiet ta’ min iħaddem ma setgħux jifthemu fuq lista waħda u għalhekk l-MCESD għaddiet żewġ listi lill-Gvern b’total ta’ tliet ismijiet għaż-żewġ postijiet riżervati għal min iħaddem. Lista waħda kienet tinkludi lis-Sur Stefano Mallia mill-Kamra tal-Kummerċ u l-Intrapriża lis-Sur Lawrence Mizzi mill-Malta Employers Association. Il-lista l-oħra kellha l-isem tas-Sur Vince Farrugia mill-GRTU.
Il-Gvern għażel iż-żewġpersuni li fl-opinjoni tiegħu l-iktar jirrappreżentaw is-settur partikolari: is-Sur Stefano Mallia u s-Sur Vince Farrugia.
Sa fejn tkunfil-kompetenza tiegħu, il-Gvern huwa dejjem dispost illi jgħin sabiex tinstab soluzzjoni fejn ikun hemm diżgwid f’settur partikolari. Il-Gvern jemmen ukoll illi huwa fl-interess nazzjonali illi l-vuċi tal-Malta Employers’ Association tibqa’ dejjem tinstema’ fl-MCESD.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow