Left arrow Go Back

FEJN IT-TFAL JIKBRU U JILAGĦBU

PR1195
Date Icon 28/06/2010

FEJN IT-TFAL JIKBRU U JILAGĦBU

It-tfal u ż-żgħażagħ huma l-qofol tal-Padiljun ta’ Malta fl-edizzjoni tal-Fiera Internazzjonali ta’ Malta din is-sena, li ġie trasformat f’park għall-familja bit-tema: fejn it-tfal jikbru u jilagħbu.

U t-tfal qed isibu x’jagħmlu fil-Padiljun ta’ Malta! Jekk hux climbing wall, target football shooting jew mini golf, it-tfal li jżuru l-istand tal-Gvern qed isibu ruħhom fi spazju miftuħ mimli b’attivitajiet innovattivi u bl-entużjażmu ta’ tfal oħra bħalhom.

It-tema tal-Padiljun ta’ Malta hija bbażata fuq il-politika tal-Gvern li jiżdiedu l-ispazji miftuħa għall-familji Maltin u Għawdxin. B’hekk bħalma diġà qed jiġi provdut fi 17-il post pubbliku, il-Padiljun ta’ Malta hu attrezzat bis-servizz ta’ WiFi b’xejn.

Kull min iżur il-Padiljun jista’ jikseb informazzjoni dwar diversi servizzi li qed joffru l-Kunsill Malti għall-iSport, il-Fondazzjoni għas-Servizzi Edukattivi (inkluż il-programm tal-Klabb 3-16), l-Awtorità tas-Saħħa u s-Sigurtà fuq il-Post tax-Xogħol, id-Dipartiment tal-Protezzjoni Ċivili, il-Wasteserv u t-34U.

If-tfal li jżuru l-istand tal-Gvern qed jiġu mħeġga’ jilgħabu minn coaches tal-Kunsill Malti għall-iSport, u qed isibu għajnuna minn studenti taċ-Childcare mill-Istitut għas-Servizzi fil-Komunità fi ħdan l-MCAST.

Minbarra l-attivitajiet kollha li qed isibu fil-Fiera, it-tfal li jżuru l-Padiljun qed jingħataw ktieb ta’ tpinġija mimli stampi ta’ postijiet pubbliċi li jżuru mal-ġenituri tagħhom fil-ħin tal-mistrieħ. It-tfal qed jingħataw l-opportunità li jissottomettu tpinġijiet għall-pubblikazzjoni fuq il-websajt www.opm.gov.mt.

Għal aktar informazzjoni dwar il-Padiljun ta’ Malta fil-Fiera Internazzjonali ta’ Malta, wieħed jista’ żur www.opm.gov.mt/spazji. Kull min irid jirċievi kopja tal-ktieb ta’ tpinġija d-dar, għandu jibgħat email lil communications@opm.gov.mt.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow