Left arrow Go Back

ŻIEDA TA’ 80% FL-APPLIKAZZJONIJIET GĦAL-LIĊENZJI KUMMERĊJALI FL-EWWEL 4 XHUR TA’ DIN IS-SENA

PR0932
Date Icon 20/05/2010

Fl-ewwel erba’ xhur ta’ din is-sena kien hemm żieda ta’ 80% fuq l-ewwel erba’ xhur tal-2009 f’applikazzjonijiet ġodda għal liċenzji kummerċjali. Dan jikkonferma l-politika tal-Gvern li jinċentiva l-investiment li jiġġenera x-xogħol.

Is-Segretarju Parlamentari għal Negozji Żgħar u Artijiet Jason Azzopardi qal dan waqt il-ftuħ uffiċjali tal-ewwel stabbiliment Millie’s Cookies f’Malta.

Huwa qal li x-xogħol jibqa’ s-sinsla tal-politika tal-Gvern, għax huwa l-fus li jdur fuqu kollox. Dan joħroġ biċ-ċar għax sena wara l-oħra l-Gvern joħloq u jsaħħaħ miżuri u inċentivi biex ikompli jagħti xenarju ideali u favorevoli li jinkoraġġixxi dan it-tip ta’ investiment. Dan huwa rifless fil-fatt li fl-ewwel erba’ xhur ta’ din is-sena kien hemm żieda ta’ 80% fl-applikazzjonijiet għal liċenzji kummerċjali.

Jason Azzopardi feraħ lill-operaturi ta’ dan l-ewwel ħanut tat-tip tiegħu f’Malta, li permezz tal-inizjattiva tagħom qed joħolqu aktar impjiegi fil-ħwienet, u jikkontribwixxu għall-ekonomija. Jason Azzopardi qal li bħalissa f’pajjiżna hawn 24,549 ħaddiema jaħdmu fis-settur tal-ħwienet.

Is-Segretarju Parlamentari qal li aktar ħwienet qed jiftħu f’pajjiżna u qed jiżdiedu l-franchises f’pajjiżna. Dan hu sinjal ċar ta’ attivita’ ekonomika u fiduċja f’pajjiżna.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow