STQARRIJA MILL-MINISTERU GĦAR-RIŻORSI U L-AFFARIJIET RURALI - KUNDANNA GĦALL-ATT VANDALU FUQ SIĠAR FIL-QALA
Kundanna għall-att vandalu fuq siġar fil-Qala
Il-Ministeru għar-Riżorsi u l-Affarijiet Rurali jikkundanna l-att vandalu li wassal biex tqaċċtu madwar 60 siġra taż-żebbuġ u r-rummien li kienu tħawlu minn tfal tal-iskola fil-Qala, Għawdex f’Marzu li għadda.
Dawn is-siġar kienu tħawlu fuq inizjattiva tal-Kunsill Lokali tal-Qala, flimkien mal-Ministeru għar-Riżorsi u l-Affairjiet Rurali u kienu jġibu l-isem ta’ diversi tfal tal-iskola li kienu ħawluhom u baqgħu jieħdu ħsiebhom.
Il-Ministeru jinnota li dan l-att vandalu mhux se jaqta’ qalb it-tfal u l-Kunsill Lokali li ħawlu s-siġar u japprezza li se jitħawlu siġar ġodda minflok dawk imqaċċta. Il-Ministeru jemmen li dan hu l-aqwa mod kif jingħeleb dan il-vandaliżmu, li mhux xejn għajr attakk kontra l-ambjent u kontra l-ġenerazzjonijiet futuri tagħna.
Other Press Releases:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990