Left arrow Go Back

TNEJN U GĦOXRIN ŻONA MADWAR MALTA U GĦAWDEX JIBBENEFIKAW MINN FOND TA’ 200,000 EURO

PR0575
Date Icon 30/03/2010

Tnejn u għoxrin żona madwar Malta u Għawdex se jibbenefikaw minn fond ta’ 200,000 Euro taħt l-iskema ta’ għajnuna lill-kunsilli lokali li tul is-sena jilqgħu fihom attivitajiet fuq skala nazzjonali li jkunu organizzati esklussivament mill-Gvern Ċentrali.

Dan ħabbru s-Segertarju Parlamentari responsabbli mill-Kunsilli Lokali Chris Said waqt attività li saret illum fil-Barrakka ta’ Fuq.  Din kienet inizjattiva meħuda mis-Segretarjat Parlamentari responsabbli mill-Kunsilli Lokali flimkien mal-Kumitat għat-Titjib tal-Ambjent li twaqqaf sentejn ilu bħala kumitat ta’ koordinazzjoni.

Chris Said qal li l-Kumitat għat-Titjib tal-Ambjent jiġbor fih l-aktar entitajiet vitali għat-toroq f’Malta u Għawdex u jara li b’mod ġenerali, ikun hemm manutenzjoni adekwata fit-toroq.  Chris Said qal li nħass il-bżonn li din il-ħidma tinfirex b’koperazzjoni mal-kunsilli lokali u għalhekk ġie deċiz ukoll li tinħoloq skema ta’ fondi speċjali sabiex tgħin lill-kunsilli lokali f’dan ir-rigward.

Chris Said qal li din id-deċiżjoni taqbel mal-ħsieb ġenerali kontenut fit-tiġdid tal-kunsilli lokali fejn ġie rikonoxxut il-fatt li r-responsabbilitajiet ta’ ċertu kunsilli lokali jmorrru ‘l hinn milli jieħdu ħsieb l-interessi u l-bżonnijiet tar-residenti tagħhom biss.  Kien propju dan wieħed mill-għanijiet li għalih tnediet l-iskema ta’ fondi speċjali għal-lokalitajiet bi bżonnijiet speċjali.

L-Iskema ta’ Għajnuna lill-Kunsilli Lokali li tul is-sena jilqgħu fihom attivitajiet fuq skala nazzjonali organizzati esklussivament mill-Gvern Ċentrali hija pass ieħor biex tkompli tingħata għajnuna lill-kunsilli lokali jwettqu xogħol u proġetti li ma jkunux fl-interess esklussiv tal-lokalità.

L-Iskema kienet maqsuma f’żewġ partijiet fejn l-ewwel parti kienet intiża sabiex il-kunsilli lokali jagħmlu manutenzjoni fiż-żoni jew toroq li se jkunu affettwati minn attivitajiet nazzjonali u t-tieni parti kienet maħsuba sabiex isir titjib fl-istess tip ta’ żoni u toroq.  Dawn l-attivtajiet jinkludu Notte Bianca, Città Magica, Parata tal-Forzi Armati, il-Festival tal-Logħob tan-Nar, festi nazzjonali u żjarat statali

Is-Segretarju Parlamentari qal li x-xogħlijiet finanzjati minn din l-iskema jinkludi titjib u kisi ta’ toroq, landscaping, refurbishment ta’ street furniture, tiswija ta’ kanali tal-ilma, tibdil ta’ tabelli tat-traffiku, bdil ta’ bankini u titjib tal-aċċessibbiltà għal numru ta’ servizzi pubbliċi.

Matul l-attività tħabbru l-kunsilli lokali li se jibbenefikaw minn din l-iskema li se jkunu Valletta, ir-Rabat (Malta), il-Fgura, Ħal Għargħur, il-Birgu, Ħal Qormi, Floriana, il-Gudja, il-Gżira, Ħal Għaxaq, il-Ħamrun, il-Kalkara, l-Imsida, Paola, San Ġwann, Santa Venera, Tas-Sliema, San Ġiljan u San Lawrenz.

Chris Said qal din mhix l-aħħar skema li qed tittieħed bejn is-Segretarjat responsabbli mill-Kunsilli Lokali u l-Kumitat għat-Titjib tal-Ambjent iżda huwa ppjanat li ssir skema simili fis-sena biex jiġu koperti aspetti differenti fil-lokalitajiet tagħna. 

Is-Segretarju Parlamentari semma skemi oħra li qed isiru b’kollaborazzjoni bejn is-Segretarjat Parlamentari responsabbli mill-Kunsilli Lokali u  entitajiet oħra fosthom l-iskema tal-Wifi flimkien mal-Awtorità Maltija tal-Komunikazzjoni, l-iskema tal-Attivitajiet Sportivi flimkien mal-Kunsill Malti għall-Isport u l-iskema ta’ Attivitajiet Kulturali flimkien mal-Awtorità Maltija tat-Turiżmu.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow