Left arrow Go Back

KONFERENZA STAMPA MILL-ONOR. JOE CASSAR, MINISTRU GĦAS-SAĦĦA, L-ANZJANI U KURA FIL-KOMUNITA’ DWAR KUNĊERT TA’ MUŻIKA KLASSIKA F’MATER DEI

PR0571
Date Icon 30/03/2010

Illum iltqajna ġo dan il-post straordinarju biex inħabbru attivita’ straordinarja. Il-Malta Heart Foundation se tagħlaq sena mit-twaqqif tagħha u biex niċċelebraw dan il-jum speċjali se jittella’ kunċert ta’ mużika klassika fil-foyer ta’ l-Isptar Mater Dei. Dan huwa avveniment rari mhux biss għal Malta imma anke għall-pajjiżi oħra. Mhux soltu li l-mużika, fil-forma ta’ orkestra tidħol fi sptar.

Meta Karl Fiorini avviċina lill-Ministeru tas-Saħħa bil-ħsieb li jtella’ Festival ta’ Mużika klassika u li wieħed mill-kunċerti jittella’ B’XEJN għall-pazjenti ta’ l-Isptar Mater Dei, ħassejna li din hija idea pożittiva mmens. Dan huwa l-messaġġ pożittiv li għandna nwasslu fis-settur tas-Saħħa.

Il-Malta Heart Foundation hija inizjattiva ta’ grupp ta’ nies li ħassew il-bżonn li tinħoloq għaqda biex tagħti support lil nies li għandhom problemi ta’ saħħa fil-qalb. Bil-pariri tal-kardjoloġisti l-Professur Albert Fenech u Mr Alex Manche, il-Malta Heart Foundation tagħmel ħafna ġid u minn “qalbi” nirringrazjahom ta’ l-inizjattivi tagħhom.

Hemm rabta bejn is-Saħħa u l-Mużika. Il-mużika, speċjalment dik klassika, għandha valur terapewtiku. F’din l-okkażjoni se nagħmlu bħal Mawmettu u l-muntanja, se nieħdu il-kunċert fl-isptar biex inferrħu l-pazjenti, il-familji tagħhom u l-istaff. Il-kunċert se jkun miftuh għall-pubbliku in ġenerali u l-Prim Ministru u s-Sinjura Gonzi se jonorawna bil-preżenza tagħhom. Dan il-kunċert se jittella’ ta’ siegħa se jittella’ nhar il-Ħamis 8 t’April 2010 fis-6.00 ta’ fil-għaxija.

Jiena nixtieq nirringrazzja lil Karl Fiorini għall-inizjattiva tiegħu b’risq il-pazjenti u l-Agostinjani, lil Malta Heart Foundation għall-ħidma bla heda f’settur li għandu bżonn ħafna xogħol u dedikazzjoni, nirringrazzja lill-Patrijiet Agostinjani li laqgħawna f’dan il-bini majestuż li għandu bżonn il-kura wkoll fil-forma ta’ restawr u lilkom tal-media li dejjem tagħtuna l-għajnuna tagħkom ukoll. Grazzi.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow