Left arrow Go Back

IL-QAGĦDA FINANZJARJA TAL-ISTATI MEMBRI FL-AĠENDA TAL-ECOFIN

PR0261
Date Icon 15/02/2010

Il-Ministru tal-Finanzi, l-Ekonomija u Investiment, l-Onor. Tonio Fenech, ħalla Malta għal Brussell, fejn se jipparteċipa fil-laqgħa tal-Kunsill tal-Ministri tal-Affarijiet Ekonomiċi u l-Finanzi tal-Unjoni Ewropea (ECOFIN). L-Onor. Tonio Fenech hu akkumpanjat mis-Segretarju Permanenti fil-Ministeru tal-Finanzi, l-Ekonomija u Investiment, Alfred Camilleri u mir-Rappreżentant Permanenti ta’ Malta għall-Unjoni Ewropea, Richard Cachia Caruana.

Il-finanzi tal-Istati Membri se jkunu l-aktar punt importanti fuq l-aġenda tal-laqgħa tal-Kunsill tal-Ministri tal-Unjoni Ewropea, l-ECOFIN, hekk kif mistennija tkun adottata Deċiżjoni tal-Kunsill dwar il-qagħda finanzjarja tal-Greċja li fiha l-Greċja tintalab tieħu inizjattivi u miżuri biex tnaqqas id-defiċit eċċessiv.

Il-Kunsill mistenni jiddiskuti wkoll ir-Rakkomandazzjoni tal-Kummissjoni li jtemm il-proċedura ta’ defiċit eċċessiv fil-konfront ta’ Malta, il-Litwanja, ir-Rumanija, il-Latvja, l-Ungerija u l-Polonja. Dan wara li l-Kummissjoni Ewropea kienet ħarġet rapport li fih tirrikonoxxi li Malta ntlaqtet ferm aktar milli kien antiċipat mill-kriżi ekonomika internazzjonali u li Malta ħadet il-miżuri adattati u azzjoni effettiva biex tilqa' għal din is-sitwazzjoni. 

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow