Left arrow Go Back

IL-PRESIDENT GEORGE ABELA JIPPREZENTA DONAZZJONI LIS-SALESJANI MILL-ATTIVITA’ TAL-FESTA TAĊ-ĊITRU

PR0221
Date Icon 08/02/2010

Il-President George Abela ippreżenta l-qliegħ li ħalliet l-attivita’ Il-Festa taċ-Ċitru, organizzata mill-Uffiċċju tal-President nhar il-Ħadd 31 ta’ Jannar, fil-ġonna ta’ San Anton. Din id-donazzjoni ta’ €13,500 giet ipprezentata lil Fr. Eric Cachia, rappreżentant tas-Salesjani.

Il-President George Abela irringrazzja lil kull minn ta sehmu sabiex din il-Festa taċ-Ċitru, li saret għall-ewwel darba f’San Anton kienet suċċess.

F’dik l-okkażjoni, inbiegħu 6,800 kilo larinġ. Diversi stands kienu armati bil-parteċipazzjoni ta’ Naturalment Malti u koperattivi lokali. Barra li min attenda seta’ jgawdi l-ġonna li kienu miftuħa għall-pubbliku, wieħed seta’ wkoll jixtri l-prodott. L-istaff ta’ San Anton ħejjew ftajjar u kejkiet u b’hekk setgħu jinġabru iktar donazzjonijiet mingħand dawk li attendew.

Il-Malta Community Chest Fund, ġimgħatejn ilu, ppreżentat donazzjoni lis-Salesjani lejn il-vittmi tat-terrimot f’Haiti. “Dawn id-donazzjonijiet kienu mmirati lejn għan speċifiku, dak li jerġgħu jinbnew l-iskejjel li waqgħu bit-terremot. L-edukazzjoni hija mportanti ħafna u b’hekk il-pajjiż jista’ jerġa jinbena fuq bażi b’saħħitha”, temm jgħid il-President George Abela.

F’Haiti, bħalissa, madwar 30,000 ruħ qegħdin isibu kenn għand is-Salesjani u l-Poplu Malti kompla juri l-ġenerożita’ tiegħu meta attenda bi ħġaru għall-Festa taċ-Ċitru f’San Anton. 

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow