OPEN DAY FL-ACTU – TAQSIMA LI TOFFRI SUPPORT LILL- INDIVIDWI B’DIFFIKULTAJIET FIL-KOMUNIKAZZJONI VERBALI
pr1902
03/11/2009
| Dan l-aħħar, il-President ta' Malta u s-Sinjura | Abela żaru t-Taqsima dwar l-Aċċess għall-Komunikazzjoni u t-Teknoloġija, magħrufa bħala l-ACTU, fil-Ħamrun. Din it-taqsima tipprovdi servizzi lil individwi bi bżonnijiet individwali. Il-President Abela kien akkumpanjat mill-Ministru tal-Edukazzjoni, Kultura, Żgħażagħ u Sport, l-Onor. Dolores Cristina, kif ukoll mid-Direttur Ġenerali (DES), Micheline Sciberras. |
| Wara preżentazzjoni awdjo-viżiva, persuni li | jużaw din it-teknoloġija qasmu l-esperjenza tagħhom mal-mistednin. Fi tmiem il-preżentazzjoni, il-President u s-Sinjura Abela flimkien mal-Ministru Cristina komplew jitkellmu mal-pubbliku preżenti u anke ppruvaw it-tagħmir teknoloġiku li hemm. |
| Mijiet ta’ nies żaru din l-Open Day u t-team | tal-ACTU offra attivitajiet kurrikulari abbinati mal-mezzi li jintużaw biex persuni jkunu jistgħu jikkomunikaw aħjar permezz ta’ diversi tagħmir teknoloġiku, kif ukoll sistemi ta’ aċċess bħal switches, u sistemi low tech u high tech. It-team ipprepara resource packs li tqassmu fl-iskejjel kollha sabiex jinħoloq aktar għarfien fost l-għalliema u l-istudenti. |
| Studenti li għandhom diffikultajiet fiżiċi | jew ta' komunikazzjoni, kif ukoll studenti li jenħtieġu aċċess għat-teknoloġija, jistgħu jiġu riferuti għat-team il-ġdid tal-ACTU li hu magħmul minn learning support assistant, speech therapists u occupational therapists. Dawn il-professjonisti huma nvoluti f'ħidma edukattiva b'riżq tfal u studenti bi bżonnijiet individwali. Is-servizz mhux biss jingħata fit-Taqsima iżda wkoll fl-iskejjel, fid-djar jew fil-komunità. |
Għal aktar informazzjoni wieħed jista’ jirrikorri l-ACTU permezz ta’ email: marica.s.gatt@gov.mt; web: http://www.actu.inclusivecurriculum.com; Facebook: Friends of ACTU; jew telefon: 21228349/50.
Other Press Releases:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en