Is-Segretarju Parlamentari fil-Ministeru tal-Finanzi Jason Azzopardi jiftaħ il-Fiera tal-Karrieri fl-Universita ta’ Malta 2009
pr1895
02/11/2009
| Is-Segretarju | Parlamentari fil-Ministeru tal-Finanzi l-Ekonomija u Investiment, l-Onor. Jason Azzopardi illum fetaħ uffiċjalment is-sitt edizzjoni tal-Fiera tal-Karrieri fil-Kampus tal-Universita’, organizzata mill-Kunsill Studenti Universitarji (KSU), flimkien mal-għaqda studenteska AEISEC. |
| Jason Azzopardi | tkellem fuq l-importanza ta’ inizjattivi bħal dawn, fejn joħroġ biċ-ċar kemm il-ħajja studenteska tista’ tmur lil hinn mill-kotba u l-eżamijiet, iżda verament tkun kapaċi tagħmel differenza u toffri servizz utli. Huwa qal li permezz ta’ din il-fiera ikompli jissaħħaħ il-pont bejn id-dinja tal-Universita’ u dik tax-xogħol, biex l-istudenti jkollom l-opportunita’ li jiltaqgħu mill-qrib u jiddiskutu ma’ dawk l-organizzazzjonijiet ewlenin fis-setturi tagħhom. |
| Is-Segretarju | Parlamentari qal li f’dawn l-attivitajiet jinħolqu opportunitajiet kbar għall-istudenti infushom, filwaqt li tkun qed titrawwem il-ġenerazzjoni professjonali ta’ għada. Illum hija realta’ li numru ġmielu ta’ studenti sa mit-tieni sena tal-kors tagħhom, ikunu diġa ġew avviċinati minn kumpaniji ewlenija f’setturi bħal accounts, l-ekonomija u l-liġi, biex joffrulhom kuntratti ta’ xogħol b’kundizzjonijiet vantaġġjużi. Għalhekk numru ta’ studenti universitarji minn ċerti korsijiet ikollom diġa moħhom mistrieħ li ladarba jispiċċaw il-kors tagħhom b’suċċess, ikollhom impjieg fil-linja tax-xogħol tagħhom. Dan jirrifletti l-bżonn li hawn (u li qatt ma jonqos), ta’ nies biex jaħdmu f’ċerti setturi tax-xogħol. |
| Is-Segretarju | Parlamentari Jason Azzopardi, akkumpanjat mill-President tal-KSU Carl Grech u l-Viċi-President tal-AEISEC Francesca Rossi, żar id-diversi stands li jinsabu armati fuq il-Campus tal-Universita’ u li fihom studenti jistgħu jieħdu informazzjoni dwar karrieri potenzjali għalihom. Il-Fiera tal-Karrieri hija miftuħa l-ġimgħa kollha sa nhar il-Ġimgħa 6 ta’ Novembru 2009. |
Other Press Releases:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en