Left arrow Go Back

IL-JUNCTION TAL-KAPPARA MINFLOK IT-TRIQ TA’ L-GĦADIRA BIEX MA JINTILFUX FONDI EWROPEJ

pr1882
Date Icon 30/10/2009

Il-Ministru għall-Infrastruttura, Trasport u Komunikazzjoni, l-Onor. Austin Gatt jindirizza konferenza stampa.

Ftit tax-xhur ilu tħabbar li wieħed mill-proġetti li għażel il-Gvern biex jiġu ffinanzjati mill-Unjoni Ewropea kien it-triq ta’ l-Għadira, medda ta’ art importanti turistikament minħabba l-bajja u mportanti prattikament minħabba li twassal san-naħa ta’ fuq ta’ Malta, fejn hemm iċ-Ċirkewwa. Konna għedna li:

o Kien jehtieg li ma niskartawx il-fatt illi t-triq kif mibnija kienet qed tipperikola l-bajja u li seta’ jigri bħal ma ġara fil-Balluta, f’Birzebbugia u fix-Xlendi;

o Li għalhekk kellna nezaminaw ukoll rotot alternattivi;

o Li kellna nieħdu deċizjoni, kemm għaliex kellna “funding period” tal-UE li kellna x’nikkunsidraw u kemm għaliex konna sejrin naqilgħu it-triq li twassal mit-Torri l-Aħmar saċ-Ċirkewwa, kif ukoll it-Telgħa ta’ Pennellu.

Il-Ministeru kien għamilha ċara mill-ewwel li mhux bilfors naqilgħu t-triq li hemm, fil-fatt l-Awtorita’ dwar it-Trasport (ADT) issottomettiet 4 proposti.

Sfortunatament il-MEPA għada sal-lum ma’ tatniex t-terms of reference tal-Environmental Impact Assessment (EIA). Iddeċidejna li nikkummisjonaw l-istudju aħna stess.

Il-konkluzjonijiet tar-rapport

• It-triq hija ta’ detriment għall-bajja u għas-sand dunes li kienu jezistu hemmhekk;
• Jekk it-triq tibqa’, il-bajja ser tkun magħfusa bejn il-livell ta’ l-ilma u l-ħajt tat-triq;
• Jekk ineħħu t-triq, il-bajja u s-sand dunes għandhom jerġgħu jibdew il-proċess naturali tagħhom;
• Hemm riskju ta’ flooding ‘l ġewwa malli nneħħu t-triq;
• Hemm bzonn aktar studji biex wieħed jara kif jindirizza dawn ir-riskji.

Ir-rapport ta’ Profs. Kenneth Pye huwa inizjattiva li ridna nieħdu indipendentement mill-EIA li għadu qed jiġi diskuss mal-MEPA. Jidhrilna li l-bajja ta’ l-Għadira hija mporanti wisq għat-turizmu u għal Malta, biex wieħed jabbanduna l-proġett għax hemm oppozizzjoni għalih.

Ir-rizultati jikkonfermaw li kellna raġun, li t-triq bħalissa hija fil-fatt problema. Irrid ngħid li t-tezi li fuqha tlaqna fuq dan il-proġett, li t-triq hija theddida għall-bajja, kienet ilha diskussa f’Malta mit-tmeninijiet. Imma naħseb li huwa aktar faċli li wieħed jingħaqad ma’ kor ta’ disapprovazjoni milli jfittex ftit fl-arkivji. Fil-fatt, sibna erba’ rapporti: wieħed ta’ l-1983, ieħor ta’ l-1988, ieħor ta’ l-1989, u rapport ieħor ta’ l-1990, li lkoll jitkellmu dwar din il-kwistjoni.

Dawn ir-rapporti, u issa b’dan l-istudji ta’ Prof. Kenneth Pye neħħejna kull dubju li hemm bzonn li nagħmlu xi ħaġa, biex il-bajja tiġi protetta milli tittiekel aktar fis-snin li ġejjin.

X’ser nagħmlu minn hawn.

Il-Gvern kommess li jindirrizza din il-problema għax jidhrilna li hemm raġunijiet ambjentali kif ukoll ta’ prattiċita’, fosthom għas-settur turistiku, li jimmeritaw li nieħdu azzjoni. Huwa għalhekk li hu mportanti li l-MEPA ma ddumx aktar biex taghtina t-terms of reference tal-EIA, biex naraw liema hi l-aħjar soluzzjoni fit-tul.

Peress li hemm bżonn studji ftit fit-tul, u peress li l-programm ta’ fondi ta’ l-UE jesiġi li l-flus fuq il-proġett jintefqu f’perjodu speċifiku, jezisti riskju li jintilfu l-fondi jekk ma’ jkunux intefqu fil-ħin. B’hekk, il-proġett ta’ l-Għadira jkun jista’ jkompli fil-fazi ta’ ppjanar u studji ambjentali, mingħajr il-pressjoni li jekk ma jitlestiex fil-ħin, nitilfu l-fondi. Naturalment, meta jitlestew l-istudji, it-triq ikollha tiġi ffinanzjata minn fondi Nazzjonali u mhux dawk Ewropej.

Minflok il-proġett ta’ l-Għadira, ser jiżdied mal-lista ta’ proġetti finanzjati mill-UE il-bini mill-ġdid tat-triq tal-Kappara. Dan il-proġett jinkludi il-bini ta’ fly-over fuq ir-round about tal-Kappara, titjieb strutturali fl-interchange u tiswijiet fil-bridge Guze Ellul Mercer u bini ta’ underpass biex jaqsmu n-nies. Il-proġett tal-Kappara diġa’ kien ikkunsidrat fil-passat u nfatti kien hemm permessi tal-MEPA diġa maħruġa għalkemm issa trid issir applikazzjoni mill-ġdid. Il-proġett tal-Kappara mistenni jqum madwar €25 miljun.

B’hekk il-lista tal-proġetti tat-toroq finanzjati mill-UE issa jinkludu:

• l-Bypass ta’ Marsaskala li bdejna din is-sena u nistennew li titlesta qabel nofs is-sena li ġejja;

• Valletta Road Zurrieq li mistennija tkun inbdiet sa l-aħħar tas-sena;

imbagħad hemm lista ta’ proġetti li t-tenders tagħhom ġew ippubblikati diġa’ u li huma:

• Council of Europe Avenue u Vjal Garibaldi f’Ħal Luqa,
• Triq Diċembru 13 fil-Marsa u t-triq tas-Sea Passenger Terminal,
• rikostruzzjoni ta’ Triq il-Marfa, l-Mellieħa u • bini mill-ġdid tat-triq li mill-Heliport Għawdex tagħti għar-Rabat.

Wara dan is-sett ta’ proġetti jkun imiss li fl-2011 nagħmlu l-proġett tal-Kappara kif ukoll dak tal-Coast Road tas-Salina.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT  Over 200 students express their vision of the construction sector through art

PR261989en

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT ...

More Press Releases Right arrow