Left arrow Go Back

Il-Ministru għal Għawdex tinawgura proġett ta’ Rotary Club Malta fl-iskola Primarja ta’ Sannat

pr1833
Date Icon 23/10/2009
Fl-iskola Primarja ta’ Sannat fi ħdan il-GozoCollege, ġie inawgurat proġett li ser iżid l-aċċessibiltà għall-faċilitajiet tad-drama għal tfal b’diżabilità. Dan huwa proġett sinifikanti ħafna għal din l-iskola għaliex tinkorpora wkoll taqsima speċjali li fiha jattendu tfal b’diżabilità minn Għawdex kollu. Din hija l-unika skola f’Malta u Għawdex li taqdi l-bżonnijiet ta’ tfal b’diżabilità flimkien mal-funzjonijiet ta’ skola primarja għal tfal oħrajn. L-iSpecial Unit għandha l-għan li tassigura element ta’ inklużjoni fil-proċess edukattiv tat-tfal u d-drama huwa meqjus bħala fattur importanti.
Kien għalhekk li r-Rotary Club Malta għażlet litiffinanzja parti minn proġett biex ittejjeb il-faċilitajiet fis-sala ta’ din l-iskola. Il-proġett kien jinkludi x-xiri ta’ self management hydraulic lift li ġie stallat wara l-palk, kif ukoll il-bdil tas-sistema tad-dawl u s-sound f’din is-sala.
Kien l-għan ta’ din l-assoċjazzjoni li tagħmelrikostruzzjoni tal-palk biex jiġi kreat ċentru inklużiv, li hu uniku fuq il-gżira u li jaqdi l-eżiġenzi ta’ l-istudenti fl-iskola primarja u l-ispecial unit kif ukoll ta’ dawk l-istudenti li jattendu skejjel oħra, iżda regolarment jagħmlu użu wkoll mill-faċilitajiet ta’ din l-iskola.
Ir-Rotary Club Malta ġabru fondi li jammontawgħal €25,000 li ntefqu f’dan il-proġett. Is-Sur Simon Bonello li kien President bejn l-2008 u l-2009, flimkien mal-Perit Joseph Spiteri li hu speċjalizzat f’dan il-qasam, ħadmu biex sar id-disinn ġdid skond linji gwida ta’ l-Unjoni Ewropea.
Ħaddiema mit-taqsima ta’ l-edukazzjoni fi ħdanil-Ministeru għal Għawdex għamlu xogħol marbut mar-ristrutturar tal-palk, bdil ta’ madum u faċilitajiet sanitarji, tibjid u rfinituri flimkien ma’ l-istallazzjoni ta’ siġġijiet u aperturi ġodda. Saret ukoll control room ġdida li ġiet ukoll mgħammra  mill-ħaddiema ta’ din it-taqsima.
L-Onor. Giovanna Debono, Ministru għal Għawdex,inawgurat ix-xogħlijiet il-ġodda fil-preżenza tal-President attwali tar-Rotary Club Malta, s-Sur John de Giorgio, is-Sur Simon Bonello li kien President meta tnieda dan il-proġett, kif ukoll membri oħra tal-bord tar-Rotary Club Malta.
Il-Kap ta’ l-iskola flimkien ma’ uffiċjalimit-taqsima ta’ l-edukazzjoni fi ħdan il-Ministeru għal Għawdex kienu wkoll preżenti għall-inawgurazzjoni. Il-Ministru Giovanna Debono rrikonoxxiet l-inizjattiva meħuda mir-Rotary Club Malta li saħħet il-ħidma kontinwa tal-Ministeru għal Għawdex fl-impenn tiegħu biex itejjeb u jsaħħaħ l-faċilitajiet edukattivi f’Għawdex skond il-politika tal-Gvern b’risq edukazzjoni  inklużiva.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT  Over 200 students express their vision of the construction sector through art

PR261989en

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT ...

More Press Releases Right arrow