Left arrow Go Back

INVESTIMENT TA’ €92,657 FL-EWWEL NIGHT SHELTER GĦALL-ANZJANI

pr1578
Date Icon 23/09/2009
Waslu fl-aħħar fażijiet tagħhom ix-xogħlijietli bħalissa għaddejjin fil-Kunvent tas-Sorijiet ta’ Ġesu Nazzarenu fiż-Zejtun sabiex parti minn dan il-kunvent tiġi mibdula f’ Night Shelter għall-Anzjani. Dan huwa proġett pilota li permezz tiegħu l-anzjani se jkunu jistgħu jibqgħu jgħixu fil-komunita’ tagħhom mingħajr il-bżonn li jmorru joqogħdu ġo dar tal-anzjani.
Waqt żjara li għamel fil-post is-SegretarjuParlamentari għall-Anzjani u Kura fil-Komunita’, l-Onor. Mario Galea qal li l-anzjani se jkunu jistgħu jgħaddu l-lejl b’rashom mistrieħa filwaqt li jieħdu breakfast fil-post għal €2 kull lejl. Il-Gvern se jagħti €4,000 fis-sena lis-sorijiet li se jmexxu l-proġett.
Is-Segretarju Parlamentari qal li danil-proġett qiegħed isir b’kollaborazzjoni mal-Kurja u li permezz tiegħu se jitwieled dan il-kunċett ta’ Night Shelter f’pajjiżna. Hu qal li huma bosta dawk l-anzjani li jagħżlu li jmorru f’home minħabba li ma jridux iqattgħu l-lejl waħidhom u allura n-night shelter jaf ikun soluzzjoni ideali.
L-Onor.Galea qal li peress li dan hu kunċettġdid wieħed irid jara kif se jintlaqa’ mill-anzjani, imbagħad tiġi evalwata l-possibilita’ li jsiru night shelters oħra f’Malta u Għawdex, partikolarment f’binijiet kbar li minnhom jintużaw partijiet żgħar.

In-Night Shelter f’dan il-kunvent jinkludi:

- 8 sodod
- Kċina
- Sitting u living area
- Bathroom
- Toilet
- Store
- Lift (naturalment aċċessibbli għall-wheelchair)

Dan sar b’investiment ta’ €92,657.

Is-Segretarju Parlamentari Mario Galea enfasizza d-dmir li kull membru fis-soċjeta’ jieħu ħsieb l-anzjani li huma qraba jew familjari tiegħu. Hu qal li minkejja li l-Gvern jista’ jipprovdi ammont ta’ faċilitajiet, ħadd ma jista’ jagħi l-imħabba li tagħti l-familja.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-INKLUŻJONI U L-VOLONTARJAT  Imfakkar il-65 anniversarju ta’ The Duke of Edinburgh’s International Award f’Malta

PR261987

STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...

PRESS RELEASE BY THE OFFICE OF THE SPEAKER  150th anniversary of Carlo Diacono’s birth commemorated with a concert under the patronage of Speaker Carmelo Abela

PR261986en

PRESS RELEASE BY THE OFFICE OF THE SPEAKER 150th anniversary of Carlo Diac...

More Press Releases Right arrow