JITĦABBRU D-DATI TAL-ISTAĠUN TAL-KAĊĊA U L-INSIB GĦALL-ĦARIFA LI ĠEJJA
Wara li kkonsidra r-rakkomandazzjonijiet tal-Kumitat ORNIS, il-Gvern qed iħabbar id-dati tal-istaġun tal-kaċċa u l-insib għall-ħarifa li ġejja:
Il-kaċċa minn fuq l-art tista’ ssir bejn l-1 ta’ Settembru 2009 u l-31 ta’ Jannar 2010, bejn sagħtejn qabel tlugħ ix-xemx u sagħtejn wara nżul ix-xemx fil-ġranet mit-Tnejn sas-Sibt, u bejn sagħtejn qabel tlugħ ix-xemx u s-siegħa ta’ wara nofsinhar (1.00 p.m.) fil-Ħdud u l-Festi Pubbliċi. Dawn id-dati issa se jiddaħħlu fil-liġi ħalli dan l-istaġun ikun stabbilit fil-liġijiet ta’ pajjiżna.
Bħala protezzjoni għat-tajr tal-priża, għal ġimagħtejn matul dawn il-ħames xhur (bejn il-15 ta’ Settembru u l-30 ta’ Settembru), il-kaċċa fuq l-art ma tistax issir bejn it-3.00 p.m. u sagħtejn qabel titla’ x-xemx.
Madanakollu l-Gvern, wara li kkonsulta mal-Korp tal-Pulizija, lest jikkunsidra li jippermetti l-kaċċa fuq l-art issir f’lokalita` waħda ġewwa Malta matul dawn il-hinijiet jekk issir proposta tajba ta’ self regulation lill-Korp tal-Pulizija mill-kaċċaturi ghal din il-lokalita`. Jekk dan l-esperiment jirnexxi, dan il-proċess jista’ jitwessa’ fl-istaġun li jmiss.
Il-kaċċa minn fuq il-baħar tista’ ssir bejn l-1 ta’ Ottubru 2009 u l-31 ta’ Jannar 2010.
L-insib tal-Gamiem u Summien ser ikun jista’jsir bejn l-1 ta’ Settembru 2009 u l-30 ta’ Ottubru 2009, filwaqt li t-teħid ta’ Pluviera u Malvizz ser ikun jista’ jsir bejn l-20 ta’ Ottubru 2009 u l-10 ta’ Jannar 2010.
Other Press Releases:
PR261986en
PRESS RELEASE BY THE OFFICE OF THE SPEAKER 150th anniversary of Carlo Diac...
PR261986