STQARRIJA MILL-MINISTERU GĦAR-RIŻORSI U L-AFFARIJIET RURALI
Investiment f’pajjiż isbaħ b’aktar indafa
Il-Gvern tul dawn l-aħħar snin investa b’mod qawwi fil-facilitajiet għall-ġbir tal-iskart u fit-tindif tal-pajjiż. Għal ftit propoganda rħisa l-Oppożizzjoni tagħżel li tinjora anki l-fatti.
Fost l-inizjattivi li ttieħdu hemm:
- Il-bini ta’ ħames faċilitajiet li jilqgħu fihom skart goff biex dan jiġi riċiklat.
- Skart goff jinġabar b’xejn minn wara l-bieb tad-djar tal-familji.
- Ġew impoġġija kontenituri biex jintefa fihom l-iskart f’toroq u żoni li jaqgħu taħt ir-responsabilta’ tal-Gvern.
- Id-Dipartiment tal-Indafa Pubblika kompla jinvesti f’xiri ta’ aktar makkinarju modern għal ġbir ta’ skart u tindif.
- Saru ‘l fuq minn 800 kontenitur għal ġbir ta’ skart separat, (bring in sites).
Dan kollu sar u qed isir sabiex pajjiżna jinżamm dejjem nadif mhux biss għat-turisti li jżurna iżda biex kulħadd igawdi minn ambjent aktar nadif u jitjieb il-livell tal-għixien tal-poplu.
Il-Gvern fil-qasam tal-indafa pubblika f’żoni kummerċjali u turistiċi f’dawn ix-xhur tas-Sajf qiegħed kontinwament għaddej bla waqfien b’diversi inizjattivi. Fost dawn l-azzjonijiet insibu;
- Li f’Paceville qed isir tindif 24 siegħa kuljum u kull filgħaxija l-art ukoll tinħasel.
- Jiġu mnaddfa u maħsula wkoll il-promenades matul il-ħinijiet ta’ tard fil-għaxija partikolarment minn San Ġiljan sa tas-Sliema.
- Issir ġabra oħra ta’ skart mill-bins kuljum fis-7.00 ta’ fil-għaxija miċ-ċentru kummerċjali ta’ Tas-Sliema sal-Bajja ta’ Spinola f’San Ġiljan.
Permezz ta’ sistema ta’ spettorat, fejn jiġi rraportat li hemm il-ħmieġ f’lokalita’ partikolari, id-Dipartiment jibgħat javża lill-kunsill lokali u jekk dan ma jnaddafx sa tlett ijiem, id-dipartiment jidħol għal dan ix-xogħol għas-spejjes tal-kunsill. B’hekk qed jiġi infurzat ukoll l-bżonn li l-Kunsilli Lokali jżommu nadif.
Matul din is-sena daħlu sistemi godda ta’ kif isir it-tindif fil-bajjiet tagħna:qed isir tindif kontinwu permezz ta’ ħaddiema li jduru mal-bajjiet jiġbru l-iskart, u darba fil-ġimgħa f’kull bajja jsir is-sand sifting.
Il-Gvern jappella lill-pubbliku biex jingħaqad mal-ħidma li qed iwettaq biex pajjiżna jinżamm nadif, tul is-sena kollha.
Other Press Releases:
PR261986en
PRESS RELEASE BY THE OFFICE OF THE SPEAKER 150th anniversary of Carlo Diac...
PR261986