Left arrow Go Back

KULTURA FAVUR L-UŻU TA’ L-ENERĠIJA ALTERNATTIVA U NADIFA

PR1652
Date Icon 01/11/2008
Il-Gvern huimpenjat li jdaħħal kultura favur l-użu tal-enerġija alternattiva u l-enerġija nadifa.  Dan inkluż, billi l-Gvern jieħu inizjattivi u jagħmel proġetti ġodda.  Aktar użu tal-enerġija alternattiva ttejjeb il-kwalita’ tal-arja u tnaqqas it-tniġġiż u għalhekk għandha impatt pożittiv fuq is-saħħa tal-poplu.
Kif tħabbar diġa,fil-jiem li ġejjin il-Gvern se jkun qiegħed jippubblika u jissottometti d-dokumenti neċessarji lill-MEPA u jinbeda l-proċess ta’ l-applikazzjoni dwar l-irdieden tar-rih (wind farms).  Parti mill-proċess hu wkoll li jiġi formulat l-istudju ambjentali. Fil-proċess tal-applikazzjoni ikun hemm ukoll proċess ta’ konsultazzjoni pubblika, miftuħ għal kulħadd.
Permezztal-irdieden tar-riħ hu stmat li jiġi ġġenerat elettriku għal 21,000 dar.  Il-Gvern qiegħed jaħdem ukoll fuq proġetti oħra ta’ ġenerazzjoni tal-elettriku mill-iskart biex tonqos id-dipendenza fuq iż-żejt.  Mill-impjant tar-Riċiklaġġ f’Sant’Antnin se jiġi ġġenerat elettriku għal 1,400 dar; filwaqt li mill-engineered landfill tal-Għallis se jiġi ġġenerat elettriku għal madwar 4,000 dar.
Pajjiżna għandu jagħmel użu massimu minn sorsili jinsabu disposti għalih u li permezz tagħhom jiġi ġġenerat l-elettriku.  Ir-riħ u l-iskart huma biss żewġ eżempji ta’ dawn is-sorsi.  Il-Gvern jistieden lil kulħadd biex jissieħeb f’kultura favur l-użu tal-enerġija alternattiva u nadifa.
Il-Ministeru għar-Riżorsi u l-Affarijiet Ruralijinnota wkoll li kelliem ta’ l-Oppożizzjoni kiteb li esperti teknici fil-Partit Laburista għamlu riċerka u kkonkludew kif u fejn għandhom isiru l-irdieden tar-riħ.  Il-Ministeru jittama li dawn isiru pubbliċi.  Dan fi spirtu ta’ diskussjoni serja, mingħajr mottivi ulterjuri, biex id-diskussjoni tkun waħda li tfittex l-aqwa ġid għall-pajjiż.
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE HOUSE OF REPRESENTATIVES  Maltese parliamentary delegation participates in the Inter-parliamentary conference on Stability, Economic Coordination and Governance in the EU

PR261983

PRESS RELEASE BY THE HOUSE OF REPRESENTATIVES Maltese parliamentary delega...

FOOD SAFETY AND SECURITY AUTHORITY NOTICE

PR261982en

FOOD SAFETY AND SECURITY AUTHORITY NOTICE

More Press Releases Right arrow