Left arrow Go Back

Ftehim ta’ kooperazzjoni bejn Malta Enterprise u Sviluppumbria Spa

PR0831
Date Icon 05/06/2007

Il-Malta Enterprise u Sviluppumbria Spa - organizazzjoni responsabbli mill-iżvilupp fir-reġjun Taljan ta’ Umbria, illum iffirmaw ftehim ta’ kooperazzjoni bejniethom li kien possibbli bil-ħidma tal-Ministeru ta’ l-Affarijiet Barranin. 

Il-ftehim li kien iffirmat minn Chris Falzon, Kap Eżekuttiv tal-Malta Enterprise u Vinicio Bottacchiari, Direttur ta’ Sviluppumbria Spa jipprovdi biex iż-żewġ naħat jaħdmu flimkien biex jippromwovu r-relazzjonijiet kummerċjali u l-investiment bejn Malta u r-reġjun ta’ Umbria u dan billi jibdlu informazzjoni dwar opportunitajiet ta’ investiment biex jiffaċilitaw il-kooperazzjoni bejn is-settur privat taż-żewġ pajjiżi. 

Barra minn hekk, Malta Enterprise u Sviluppumbria ftehmu li jgħinu kumpaniji rispettivi b’konsulenza teknika u kummerċjali u jinkoraġġixxu n-“networking” u sinerġiji ta’ kumpaniji fir-reġjuni tagħhom. 

L-organizazzjoni ta’ żjarat li jippromwovu l-investiment u l-kummerċ, workshops u korsijiet professjonali kemm f’Malta kif ukoll fl-Italja, hu impenn ieħor li daħlu għalih iż-żewġ partijiet. 

Punt ieħor inkluż fil-ftehim iffirmat illum hu dak li Malta Enterprise u Sviluppumbria għandhom jidentifikaw sħab li jkunu jistgħu jidħlu f’joint ventures flimkien u b’hekk jinħolqu aktar opportunitajiet ta’ investiment barrani dirett fiż-żewġ pajjiżi. 

Iż-żewġ naħat qablu wkoll li jipparteċipaw flimkien fi proġetti ta’ l-Unjoni Ewropea u jippromwovu inizjattivi flimkien fil-Mediterran. 

Preżenti għall-iffirmar tal-Ftehim kien hemm Cecilia Attard Pirotta, Segretarja Permanenti fil-Ministeru għall-Affarijiet Barranin u Paolo Trabalza, Ambaxxatur Taljan għal Malta. 

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦAL GĦAWDEX  Fin-Norveġja, il-Ministru Clint Camilleri jsostni li s-suċċess tal-Istrateġija Ewropea għall-Gżejjer se jitkejjel mir-riżultati li twassal

PR261964

STQARRIJA MILL-MINISTERU GĦAL GĦAWDEX Fin-Norveġja, il-Ministru Clint Cami...

PRESS RELEASE BY SERVIZZ.GOV  International Recognition for Servizz.gov and Centrecom

PR261963en

PRESS RELEASE BY SERVIZZ.GOV International Recognition for Servizz.gov and...

More Press Releases Right arrow