Left arrow Go Back

STQARRIJA MILL-MINISTRU TAL-FAMILJA U SOLIDARJETA` SOĊJALI

PR0585
Date Icon 24/04/2007

Xejn m’hija sorpriża l-istqarrija li ħarġet il-kelliema ta’ l-Oppożizzjoni, l-Onorevoli Marie-Louise Coleiro Preca, dwar il-Benefiċċju ta’ l-Enerġija li ħabbar il-Gvern il-ġimgħa li għaddiet. 

L-Onorevoli Coleiro Preca toħroġ stqarrija fuq stqarrija b’repetizzjoni liema bħala ta’ fatti magħżula minnha. Ma setax jonqos li anke għal dan il-benefiċċju, li minnu sejrin igawdu madwar 30,000 familja Maltin u Għawdxin, tipprova tgħaddi l-kredtu lill-MLP. 

Il-Gvern immexxi mill-Partit Nazzjonalista kien, għadu u jibqa’ impenjat lejn il-poplu kollu u dejjem sab il-mezzi biex jgħin lil min hu l-aktar fil-bżonn. Meta fl-2005  kienet daħlet is-surcharge fuq il-kontijiet tad-dawl u ta’ l-ilma, il-Gvern mill-ewwel iddeċieda li bħala miżura temporanja tiġi estiża l-iskema li kien hemm oriġinarjament u li kienet tkopri biss ir-rebates fuq il-kera tal-meters tad-dawl u l-ilma. Minn din l-iskema kienu qed igawdu madwar 13,000 familja. 

Issa din l-iskema evolviet f’Benefiċċju ta’ l-Enerġija fejn il-benefiċċjarji aktar milli rduppjaw.

L-Onorevoli Coleiro Preca, b’konvenjenza politika, insiet li fl-1998, fi żmien amministrazzjoni Laburista, il-kontijiet tad-dawl u l-ilma kienu splodew ’il fuq u dan mhux minħabba l-prezz taż-żejt fis-swieq internazzjonali. Illum il-prezz taż-żejt hu ħafna drabi aktar għoli milli kien fi żmien Gvern immexxi mill-Partit Laburista. 

Mhux talli hekk, iżda llum il-ġurnata aħna nużaw żejt b’livell imnaqqas ta’ kubrit, li jfisser kwalità ta’ arja aħjar. Dan iż-żejt ma kienx jintuża fl-1998 u llum iż-żejt li kien jintuża dak iż-żmien m’għadux permess. Jekk wieħed jikkompara l-prezzijiet tal-kontijiet li kienu joħorġu fi żmien l-amministrazzjoni Laburista u l-prezzijiet li mbagħad daħlet l-amministrazzjoni Nazzjonalista naraw li, għalkemm illum għandna s-surcharge u qed nużaw żejt aħjar għall-ambjent (u għalhekk bi prezz ogħla wkoll), xorta waħda l-kontijiet tal-lum huma orħos minn dawk ta’ żmien l-amministrazzjoni Laburista.  

L-Onor. Coleiro Preca nsiet tgħid ukoll li fl-1998 ma kienx hemm eżenzjoni jew  għajnuna għal ħadd, ħlief għal kumpens b’mod limitat ħafna u mhux bil-quddiem, kuntrarju għal dak li qed iseħħ illum fejn l-amministrazzjoni Nazzjonalista fasslet benefiċċju li bih 30,000 familja qed isibu l-appoġġ li għandhom bżonn.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

More Press Releases Right arrow