Left arrow Go Back

MALTA TIDĦOL FL-AKKADEMJA TAD-DRITT EWROPEW (ACADEMY OF EUROPEAN LAW)

PR0571
Date Icon 23/04/2007

F’ċerimonja fit-18 ta’ April 2007, Malta daħlet bħala membru ta’ l-Akkademja tad-Dritt Ewropew li s-sede tagħha hi fil-belt ta’ Trier, fil-Ġermanja. 

L-Akkademja hi istituzzjoni li ma tagħmilx profitt, li tgħin fit-tagħlim u t-tixrid ta’ tagħrif dwar leġiżlazzjoni Ewropea. 

Il-Viċi Prim Ministru u Ministru tal-Ġustizzja u l-Intern Dr Tonio Borg u l-President ta’ l-Akkademja Jacques Santer iffirmaw il-ftehim li bih il-Gvern Malti sar ukoll sponsor ta’ din l-Akkademja kif inhuma l-maġġoranza ta’ l-Istati Membri ta’ l-Unjoni Ewropea. 

Bis-saħħa ta’ din l-isħubija, imħallfin, ġudikanti, membri tal-professjoni legali, u impjegati pubbliċi jistgħu jgawdu minn korsijiet ta’ tagħlim u taħriġ fil-liġi Ewropea u minn rati preferenzjali għal min jattendi għal dawn il-korsijiet. 

Preżenti għaċ-ċerimonja tal-firma tal-ftehim kien hemm iż-żewġ imħallfin Maltin fil-Qorti Ewropea tal-Ġustizzja, l-Imħallef Anthony Borg Barthet, u l-Imħallef Ena Cremona kif ukoll id-Direttur ta’ l-Akkademja Dr Wolfgang Heusel.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

More Press Releases Right arrow