Dsatax-il Nutar Pubbliku jieħdu l-warrant
Il-Viċi Prim Ministru u Ministru tal-Ġustizzja u l-Intern Dr Tonio Borg illum qassam il-warrant lil dsatax-il Nutar Pubbliku waqt ċerimonja qasira li saret fil-Ministeru tal-Ġustizzja u l-Intern.
Il-Ministru Borg, filwaqt li feraħ lin-Nutara li ħadu l-warrant, fisser kif is-sistema kontinentali ta’ Nutar Pubbliku tagħti bixra aktar serja lill-iffirmar ta’ kuntratti u affarijiet oħra li jenħtieġu preżenza notarili.
Huwa appella lin-nutara l-ġodda sabiex jibqgħu dejjem indipendenti u josservaw l-etika u l-irġulija – karatteristiċi ewlenin ta’ kif għandu jkun nutar tajjeb.
Matul din iċ-ċerimonja kienu preżenti wkoll is-Segretarju Parlamentari Dr Carmelo Mifsud Bonnici, is-Segretarju Permanenti s-sur Charles Deguara, in-Nutar tal-Gvern Dr Cora Vella u l-president tal-Kullegg Notarili Dr Roland Wadge.
Other Press Releases:
PR261959en
PRESS RELEASE BY THE OFFICE OF THE SPEAKER The Speaker of the House of Rep...
PR261959