Left arrow Go Back

ĊERIMONJA BIEX TFAKKAR IL-50 SENA TA’ L-UNJONI EWROPEA

PR0417
Date Icon 23/03/2007

Fl-okkażjoni tal-50 Anniversarju mill-iffirmar tat-Trattat ta’ Ruma li permezz tiegħu nħolqot l-Unjoni Ewropea, il-Kumitat Nazzjonali li qed jorganizza l-attivitajiet biex ifakkru dan l-avveniment, se jorganizza attivita’ għall-pubbliku, għada s-Sibt 24 ta’ Marzu, fit-8.00 p.m. fil-Ministeru ta’ l-Affarijiet Barranin, fi Triq Merkanti, l-Belt Valletta. 

Matul din iċ-ċerimonja li l-pubbliku hu mistieden li jattendi għaliha, il-Ministru għall-Affarijiet Barranin Michael Frendo, flimkien ma’ l-Ambaxxaturi tal-pajjiżi ta’ l-Unjoni Ewropea residenti f’Malta u l-konsli li jirrappreżentaw lill-pajjiżi li m’għandhomx ambaxxata, se jaqsmu kejkijiet kbar biex b’mod simboliku jfakkru dan l-anniversarju. 

Il-bini tal-Ministeru ta’ l-Affarijiet Barranin se jkun miftuħ għall-pubbliku li jkun jista’ jieħu sehem f’din iċ-ċelebrazzjoni u anke jżur il-Ministeru fejn se jkun hemm ukoll grupp ta’ mużiċisti biex jallegraw lill-mistednin u lill-pubbliku. 

Il-kunċert li kien ippjanat li jsir f’Bieb il-Belt għada fil-għaxija kif ukoll il-marċi fi Triq ir-Repubblika mill-Banda King’s Ownġew posposti għall-5 ta’ Mejju, Jum l-Ewropa. 

Madankollu l-programm tal-Ħadd fil-għodu li jinkludi Quddiesa ta’ Ringrazzjament fil-Kon-Kattidral ta’ San Ġwann u l-marċi mill-Banda La Vallette fi Triq ir-Repubblika se jsiru kif ippjanat.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

More Press Releases Right arrow