Left arrow Go Back

Risposta ghall-istqarrija MAĦRUĠA MILL-ONOR. MARIE-LOUISE COLEIRO PRECA  dwar APPLIKAZZJONIJIET TA’ L-ALLOWANCE SUPPLIMENTARI

PR0382
Date Icon 16/03/2007

B’referenza għall-istqarrija għall-istampa maħruġa l-bieraħ mill-Onor. Marie Louise Coliero Preca, dwar il-formoli għall-Allowance Supplimentari, id-Dipartiment tas-Sigurtà Soċjali jtenni dak li kien diġà ħabbar fit-13 ta’ Marzu 2007, permezz ta’ avviż għall-istampa, li l-ħtieġa li jerġgħu jintbagħtu l-applikazzjonijiet inħasset peress li l-iżbalji tipografiċi li kien fihom l-applikazzjonijiet impustati l-ewwel darba, żbalji li rriżultaw minn raġunijiet tekniċi u umani, setgħu jfixklu lil min kien se jimla l-applikazzjoni u iżjed u iżjed lil min kien se japplika b’mod elettroniku (on line).

Dan l-avviż, li nħareġ immedjatament kif id-Dipartiment sar jaf bl-iżbalji fuq il-formoli, kien għamilha ċara li min kien diġà mela u bagħat l-applikazzjoni għal din l-Allowance lid-Dipartiment, din kienet valida u ma kellux għalfejn jerġa’ jimla u jibgħat applikazzjoni oħra.

Barra minn dan, qabel ma ntbagħtu l-applikazzjonijiet mill-ġdid, l-impjegati fl-Uffiċċji Distrettwali kollha tad-Dipartiment ġew avżati li kienu ser jintbagħtu applikazzjonijiet oħra korretti u li l-applikazzjonijiet li kienu diġà ntlew kienu validi u kienu ser jiġu proċessati.

Id-Dipartiment ħa l-pass li jerġa’ jibgħat il-formoli ta’ l-applikazzjoni mhux b’kapriċċ, iżda biex jiżgura li sew min irid jimla l-formola manwalment kif ukoll elettronikament ikun jista’ jagħmel dan mingħajr tfixkil.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

More Press Releases Right arrow