Left arrow Go Back

SCOOPS: Studenti b’Inizjattiva u Kreattività

PR0059
Date Icon 19/01/2007

SCOOPS: Studenti b’Inizjattiva u Kreattività

“Id-dinja tax-xogħol illum tippremja sew lil dawk iż-żgħażagħ li kapaċi juru inizjattiva, kreattività u sens imprenditorjali. SCOOPS fl-iskejjel sekondarji jimmira eżatt biex isaħħaħ dawn il-ħiliet fl-istudenti taħna”. Dan qalu l-Onor. Louis Galea, Ministru ta’ l-Edukazzjoni, Żgħażagħ u Xogħol, fl-inawgurazzjoni ta’ VETRINA SCOOPS li din is-sena qed tiġi organizzata fil-Fondazzjoni Reggie Miller, Workers Memorial Building, il-Belt Valletta.  

Din l-attività, VETRINA SCOOPS, tinkoraġġixxi lill-istudenti membri ta’ SCOOPS kif ukoll lill-edukaturi sabiex jiltaqgħu ma’ membri u għalliema minn skejjel oħra. B’hekk joħolqu network permezz ta’ workshops u preżentazzjonijiet kreattivi u edukattivi. 

It-tema tal-VETRINA ta’ din is-sena kienet SCOOPS: Studenti b’inizjattiva u kreattività. L-istudenti tqassmu fi gruppi u flimkien ma’ persuna li tanima s-sessjoni, ħadmu fuq tema partikolari li torbot man-negozju, il-koperattivi u l-imprenditorija.  

Il-persuni li ggwidaw il-gruppi ta’ studenti kienu kollha persuni ġejjin mid-dinja ta’ l-imprenditorija u għalhekk bl-esperjenza tagħhom taw daqqa t’id lil dawn in-negozjanti żagħżagħ. 

L-għalliema-managers ta’ Scoops, min-naħa l-oħra, kellhom sessjoni ta’ taħriġ u diskussjoni dwar il-Koperattivi mas-Sur Peter Morales, President u mas-Sur Ray Cassar, Chief Executive Officer ta’ l-APEX, l-Organizzazzjoni tal-Koperattivi Maltin. 

Il-Ministru Louis Galea, dar il-gruppi ta’ studenti waqt li kienu qegħdin jaħdmu u tkellem ma’ diversi membri ta’ SCOOPS. Kellu ċ-ċans ukoll jitħaddet ma’ diversi għalliema waqt is-sessjoni tagħhom dwar il-koperattivi.  Louis Galea qal li inizjattivi bħall-iscoops fost l-istudenti fil-livell sekondarju u l-Young Enterprise fil-livell post-sekondarju jagħtu opportunità lill-istudenti biex jieħdu esperjenza ta’ mudelli differenti ta’ intrapriżi u fl-istess ħin jirfinaw l-ħiliet imprenditorjali li għandhom.  Hu ħeġġeġ lill-istudenti jieħdu din l-opportunita’ bis-serjeta’ kollha għax dak li jitgħallmu f’dawn l-esperjenzi żgur li jiswielhom ħafna tul il-ħajja tagħhom fix-xogħol. 

Wara l-istudenti taw preżentazzjonijiet kreattivi dwar it-tema li huma analiżżaw. Il-mistiedna distinti, fosthom is-Segretarju Parlamentari għan-Negozji iż-Żgħar l-Onor. Edwin Vassallo, l-Onor. Carmelo Abela u l-Onor. Joe Abela, Kelliema ta’ l-Oppożizzjoni għall-Edukazzjoni u għall-Koperattivi rispettivament, osservaw ix-xogħol tal-gruppi kif ukoll kellhom diskussjoni mal-parteċipanti dwar aspetti tan-negozju u tal-koperattivi. Il-Proġett SCOOPS huwa wieħed tal-Bord tal-Koperattivi. 

Aktar tagħrif: Outlook Coop scoops@outlook.coop

Telefown: 2144 1604           Website: www.scoops.org.mt

DOI – 19.01.2007

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow