Left arrow Go Back

TINTEMM L-EWWEL SENSIELA TA’ KORSIJIET LI SARU PERMEZZ TAL-FONDI TAL-UE F’GĦAWDEX

PR1698
Date Icon 07/12/2006

Sitta u tletin student adult li temmew il-korsijiet tagħhom offruti miċ-Ċentru ta’ l-Universita t’Għawdex, nhar il-Ġimgħa li għadda, ġew ippreżentati b’ċertifikat  mill-Onor. Giovanna Debono, Ministru għal Għawdex.  Dawn il-korsijiet ingħataw fl-oqsma ta’ l-Agrikoltura, ta’ business studies, e-commerce u informatika, u studji marbuta ma’ l-ippjanar u l-immaniġġjar ta’ l-ambjent.  

Fl-indirizz tagħha, il-Ministru Debono stqarret li kien ta’ sodisfazzjon għaliha li tara lil dan l-ewwel grupp ta’ studenti jtemmu dawn il-korsijiet li saru matul l-aħħar sena akkademika, permezz tal-Fondi Strutturali ta’ l-Unjoni Ewropea u fondi tal-Gvern Malti. Il-Ministru Debono qalet li dawn kienu wħud minn diversi korsijiet oħra li ngħataw f’Għawdex stess, fosthom dawk relatati mas-snajja’ fiċ-Ċentru Għawdxi ta’ l-Arti u l-Artiġjanat Wistin Camilleri, u dawk marbuta mas-servizzi fl-industrija turistika fl-Istitut għal Studji Turistiċi. 

Il-Ministru tkellmet dwar l-importanza tat-tkomplija ta’ l-istudju u t-tagħlim, kemm għaż-żgħażagħ kif wkoll għal studenti iżjed maturi. Huwa għalhekk li l-Ministeru għal Għawdex għandu l-ħsieb li jkompli jipprovdi iktar korsijiet bil-għan li iktar Għawdxin jisfruttaw l-opportunitajiet edukattivi marbuta mal-ħiliet tax-xogħol.  

Fil-preżent qed tiġi organizzata sensiela oħra ta’ korsijiet, li huma mistenija li jintemmu f’Ġunju 2007, u li qed isiru fiċ-Ċentru Għawdxi ta’ l-Universita’, kif wkoll fiċ-Ċentru Għawdxi ta’ l-Arti u l-Artiġġjanat Wistin Camilleri u fl-Istitut għal Studji Turistiċi (Għawdex). Bħalissa qed jiġu offruti 22 kors, b’attendenza ta’ madwar 297 student. Matul is-sena akkademika preċedenti ġew offruti 30 kors. 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow