Left arrow Go Back

STUDENTI JISTGĦU JIRREĠISTRAW GĦAS-SOFTWARE TAL-MICROSOFT FL-UNIVERSITÀ JEW L-MCAST

PR1678
Date Icon 06/12/2006

L-allejanza strateġika bejn il-Microsoft u l-Gvern irriżultat f-inizjattiva oħra għall-istudenti u għalliema Maltin kollha.  Għat-tielet darba, il-Ministeru għall-Industrija, Investiment u Teknoloġija ta’ l-Informazzjoni flimkien mal-Microsoft qed iniedu offerta oħra tas-software.   

L-offerta l-ġdida tikkonsisti fil-Windows Vista Ultimate Upgrade u Office 2007 Enterprise.  Din l-offerta tista’ tiġi akkwistata mill-għalliema u studenti għall-prezz ta’ Lm 46 (VAT inkluża).  

Għalfejn għandi nirreġistra? 

·      Permezz ta’ din l-offerta l-istudenti u l-għalliema se jkunu minn ta’ l-ewwel fid-dinja li jibbenefikaw minn dan is-software ġdid bi prezz imraħħas ħafna.    

·       Dan is-software qed jinbiegħ madwar Lm300 orħos mill-prezz kummerċjali li normalment jinbiegħu dawn il-prodotti. 

·      Il-verżjoni tas-software li qed jingħata huwa l-iktar wieħed estensiv u joffri numru ta’ faċilitajiet li ma ssibhomx fil-verżjoni li ġeneralment tingħata għall-użu fid-djar. 

·       Is-software tal-Microsoft huwa użat mill-maġġoranza tad-djar u kumpaniji u għalhekk l-użu ta’ dan is- software ġdid ser iqarreb iktar l-istudent lejn il-post tax-xogħol hekk kif kumpaniji madwar id-dinja ser jibdew jużaw il-Vista fuq il-kompjuters tagħhom.   

Din l-offerta hija miftuħa għall-istudenti u l-għalliema li xtraw jew ser jixtru it-tieni pakkett tas-softwer magħruf bħala l-HelloIT li ħareġ fl-2005.  Dan il-pakkett jinbiegħ għall-prezz ta Lm13.99 (Vat inkluża), u jinkludi l-Office Pro 2003, l-Encarta Reference Library Premium Suite 2005, il-Visual Studio.Neta 2003 u licenzja tal-Class Server.  Dawk li jixtru l-pakkett tal-HelloIT ikunu ntitolati li jirreġistraw għall-Vista. 

Ir-reġistrazzjoni għall-Vista tista’ issir sal-15 ta’ Diċembru 2006.  Kull min jirreġistra għandu jippreżenta kopja tal-liċenzja tal-pakkett tal-HelloIT jew l-ittra li rċevew mill-Ministeru flimkien mal-Karta ta’ l-Identita`.  Qed jintalab Lm10 depożitu mar-reġistrazzjoni tal-Vista.  Il-pakkett tal-HelloIT jista’ jinxtara minn kull fergħa tal-Maltapost. 

Studenti ta’ l-Universita` u l-MCAST jistgħu jużaw l-iSmart Card biex jixtru l-HelloIT u jirreġistraw għall-Vista.  Reġistrazzjonijiet fl-Universita` jistgħu jsiru l-Computer Services Centre fil-ħinjiet ta’ l-uffiċċju (sal-15 ta’ Diċembru).  Reġistrazzjonijiet fl-MCAST se jsiru fil-Foyer ta’ l-Amministrazzjoni, il-Ħamis 7 ta’ Diċembru bejn id-9:30 u s-14:30. 

Ħu vantaġġ minn din l-offerta unika u mur irreġistra għas-software il-ġdid.   

Aktar dettalji jistgħu jinkisbu mis-sit miti.gov.mt jew inkella billi tibgħat e-mail fuq iss@gov.mt jew fuq 21255495.  

DOI  06.12.2006

6.77 Kbytes Last Modified on 06th December, 2006

HOME | GOV.MT 

HELP | LINKS | SITEMAP | SEARCH

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow